.webp){kind=icon}
„Макошпед“ АД Скопје за периодот јануари-јуни 2022 година оствари консолидирана добивка од 196.123.000 денари (3.188.000 евра), што е драстично зголемување во однос на истиот период минатата година кога добивката на компанијата изнесувала 7.750.000 денари(126.000 евра), покажува неревидираниот финансиски извештај на компанијата објавен преку Македонската берза.
Од „Макошпед“ во образложението на финансиските резултати објаснуваат дека во периодот јануари-јуни 2022 година е реализирана одлука за продажба на недвижен имот донесена на Собрание на акционери во 2021 година, одржано на 20.05.2021.
Катастар
„Согласно одлуката, последните ревидирани финансиски извештаи и одредбите од Законот за трговски друштва, книговодствената вредност на имотот предмет на продажба не претставува голема зделка. Со реализација на одлуката се оствари добивка во износ од 193.554.000 денари(3.147.219 евра). Солемнизацијата на купопродажниот договор пред надлежен нотар се изврши на 13.07.2022 година, а преносот на сопственост во имотни листови во Агенција за катастар на недвижности се реализира на 20.07.2022“, информираат од компанијата.
Катастар
Станува збор за имот од илјадници квадрати во битолско опишан како царински терминали во имотниот лист број 2236 за КО Буково, КП 3001 и во имотниот лист 100045 КП 3001, КО Буково.
