„А1 Македонија“ со значителен раст на ЕБИТДА во првиот квартал од годинава

Групацијата „А1 Телеком Австрија“ соопшти дека заработката пред камати, даноци, депрецијација и амортизација (ЕБИТДА) на нејзината подружница во Македонија се зголемила за 12,6 проценти на годишно ниво во првиот квартал на годинава достигнувајќи 13 милиони евра.

Приходите на „А1 Македонија“ се зголемени за 10,1 проценти на годишно ниво во првите три месеци од 2024 година на 39 милиони евра. Приходите од услуги се зголемени за 12,7 проценти на годишно ниво на 33 милиони евра во првиот квартал од годината, главно поради зголемувањето на мобилниот бизнис, но и повисоките приходи од ИКТ решенија.

„Основните оперативни трошоци се зголемија поради повисоките трошоци за вкупна работна сила и зголемените трошоци за лиценци и софтвер за препродажба, но сепак целокупниот пораст на приходите ги надмина овие трошоци, што резултираше со пораст на ЕБИТДА“, се наведува во соопштението на групацијата.

„Блумберг Адрија“ веќе пишуваше дека заработката пред камати, даноци, депрецијација и амортизација (ЕБИТДА) на „А1 Македонија“ за 2023 година се зголеми за 8,5 проценти на годишно ниво на 48 милиони евра. Приходите на „А1 Македонија“ лани се зголемија за 7,2 проценти достигнувајќи 152 милиони евра.

Во моментов нема коментари за веста. Биди прв да коментира...

Остави коментар