.webp){kind=icon}
Lufthanza може да се соочи со нови нарушувања во работењето откако пилотите на компанијата одлучија да стапат во штрајк ако не бидат исполнети барањата на нивниот синдикат. Според синдикатот на гермманските пилоти, ваквото сценарио сепак може да биде избегнато.
Синдикатот Vereinigung Cockpit бара зголемување на платите за 5,5 отсто оваа година и автоматско усогласување со инфлацијата почнувајќи од следната година.
Синдикатот наведува дека Луфтханза сè уште нема презентирано понуда во шесте рунди преговори.
Синдикатот соопшти дека 97,6 отсто од пилотите кои учествувале во гласањето дале зелено светло за повикот на штрајк.
Во соопштението се вели дека гласањето „можеби сè уште нема да доведе до штрајк, но тоа е сигнал за Луфтханза сериозно да ги сфати потребите на персоналот во пилотската кабина“.
Штрајкот би повлекол откажување на дополнителни летови со што бројот на откажани летови ова лето би стигнал до 7000 дополнителни откажувања на летови.
Во спор со компанијата се и аеродромските работници кои штрајкуваа во средата, што доведе до откажување на повеќе од 1.000 летови.
Портпаролот на Луфтханза вели дека комапнијата ги почитува барањата и продолжува со конструктивен дијалог за да се реши конфликтот
