„Тиквеш“ е прва винарница од регионот што подготви ЕСГ извештај

Винарската визба „Тиквеш“ го подготви првиот ЕСГ извештај (од англиски: ESG-environmental, social and governance) со што стана првата компанија во винската индустрија во регионот која ги применува водечките глобални ЕСГстандарди во доменот на заштитата на животната средина, позитивното општествено влијание и транспарентното корпоративно управување. 

Извештајот беше презентиран на конференцијата што ја организираше компанијата во соработка со Европската банка за обнова и развој (ЕБОР) и со финансиска поддршка од Европската унија – Фонд за развој на претпријатија и иновации за Западен Балкан (WB EDIF). 

„Први ги воведовме ЕСГ стандардите, почнувајќи со нивното спроведување уште години наназад, а денес го имаме и нашиот прв ЕСГ-извештај. Но, нашата работа не завршува тука. Со зголемување на предизвиците со кои се соочуваме како човештво, се зголемува и потребата од нашата инволвираност во нови иницијативи и на нови теми. Заштитата на животната средина и борбата против климатските промени се едни од нив“, рече претседателот на Управниот одбор на ВВ „Тиквеш“, Светозар Јаневски.

Винарска визба „Тиквеш“

Тој се согласи дека иако овие стандарди се поставени, сѐ уште во нашата земја и пошироко нема доволна свесност за потребите на компаниите. „Сѐ уште не постојат поволни кредити со кои би се поддржало спроведувањето на активностите што ги бараат ЕСГ- стандардите од страна на компаниите, како и за тоа да се овозможи повеќето од нив да навлезат во оваа област“.

Овој процес на имплементација е дел од тековната поддршка на ЕБОР и програмата „Блу рибон“ (Blue Ribbon), која му овозможува на „Тиквеш“ пристап до клучни консултантски и советодавни услуги во оперативното и финансиското работење на компанијата. „Го охрабруваме приватниот сектор да ги контактира нашите тимови и да зачекори кон патувањето на еколошки и одржлив развој, со цел да креира долгорочни вредности за општеството“, рече Фатих Туркменоглу, раководител на претставништвото на ЕБОР во Скопје.

Винарска визба „Тиквеш“

На панел-дискусиите што се одржаа во рамки на конференцијата се презентираа различни аспекти од ЕСГ сферата, вклучувајќи ја регулаторната рамка, подготовката и поднесување на ЕСГ извештаите, за начинот на градење одговорни вредносни синџири кои вклучуваат компании со имплементирани ЕСГ стандарди, а беа истакнати и најдобрите локални практики и искуства.

Винарска визба „Тиквеш“

Активностите и проекти на „Тиквеш“ придонесуваат за исполнување на целите за одржлив развој на Обединетите Нации. Во тој дел беше истакнато и приклучувањето на „Тиквеш“ кон групата „Меѓународни винарници за борба против климатските промени“ (IWCA), во која членуваат 40 водечки светски винарници кои се лидери во активностите за заштита на животната средина и природните ресурси и кои имаат научно-базиран пристап во намалувањето на јаглеродните емисии и нивното влијание врз климатските промени.

Во моментов нема коментари за веста. Биди прв да коментира...

Остави коментар