„Хуавеј“ се приближува до една милијарда активни мобилни уреди, и покрај тоа што е под американските санкции - води битка против „Епл“ на клучниот кинески пазар.
Во моментов има околу 900 милиони гаџети на „Хувеј“ инсталирани со неговиот внатрешен оперативен софтвер „Хармони“, што е значително повеќе отколку пред само неколку месеци, рече Ричард Ју, кој го предводи потрошувачкиот бизнис.
Продажбата на премиум паметните телефони на компанијата се зголеми за 72 отсто во првите пет месеци од 2024 година, изјави Ју на присутните на годишниот форум за програмери на компанијата во петокот. Тие бројки го илустрираат феноменалниот раст на телефоните на „Хуавеј“, кој е стабилен откако компанијата го претстави Мате 60 Про со процесор од седум нанометри. Властите во Вашингтон не веруваа дека кинеските фирми се способни да го развијат.
Depositphotos
Оттогаш, бизнисот напредуваше, помагајќи му на „Хуавеј“ да го зголеми профитот повеќе од петкратно во текот на кварталот март и да преземе пазарен удел од „Епл“ и кинеските ривали.
„Никој не може да го изгаси сјајот на ѕвездите на небото. Денес е решена иднината на ХаромиониОС“, им рече Ју на публиката и додаде: „Да уживаме во светлата галаксија што ни припаѓа“.
Кинеската компанија има намера да го лансира Мате 70, наследникот на нејзиниот паметен телефон, на крајот на годината. Најверојатно ќе работи на платформата Хармони ОС Некст што ќе ги прекине преостанатите врски со Андроид (Гугл). Покрај тоа, „Хуавеј“ планира да претстави бета верзија за потрошувачите некаде во август.
Во последниве години, „Хуавеј“ ја презеде платформата ХармониОС надвор од паметните телефони и ја стави во производи како часовници и телевизори. Испорача околу 11 милиони мобилни уреди во првиот квартал, надминувајќи го „Самсунг“, според ИДЦ.. Главниот двигател, сепак, останува зголемената популарност на телефоните на „Хуавеј“.
Bloomberg
Кинескиот гигант, во меѓувреме, станува се поагресивен во обидите да профитира од ХармониОС како што расте неговата корисничка база. Се размислува и за воведување провизија за купувања во продавницата за апликации, што дополнително говори за довербата што „Хуавеј“ ја има во конкуренција со ајфон.
„Хуавеј“ исто така напредува во областа на вештачката интелигенција (ВИ), со „Асценд ГПУ“ (Ascend GPU) чипот, кој е дел од растечкото портфолио на полупроводници на компанијата. Патем, овој чип го наведе извршниот директор на „Енвидија“, Џенсен Хуанг, да го нарече „Хуавеј“ страшен ривал.
Кинеските компании, вклучително и „Хуавеј“, развиваат локални алтернативи на најмоќните акцелератори со вештачка интелигенција произведени од „Енвидија“, чиј извоз е забранет од Вашингтон. Овие напори се сметаат за клучни за поголемите амбиции на Пекинг да ги достигне САД во вештачката интелигенција и производството на полупроводници.
Ју во петокот рече дека „Асценд“ процесорите се 1,1 пати поефикасни во обуката на модели со вештачка интелигенција, во споредба со главните понуди, иако тој не именуваше конкретни компании. Компанијата со која управува Ју досега има изградено три центри за податоци за вештачка интелигенција во Кина со чипови „Асценд“, помагајќи им на локалните фирми да развијат и одржуваат услуги за вештачка интелигенција.
.webp){kind=icon}
