„Ајфон 16“ ја надмина продажбата на неговиот претходник во Кина за 20 отсто

Продажбата на најновите ајфони (iPhone) на „Епл“ (Apple Inc.) во Кина се зголеми за 20 проценти во првите три недели во споредба со моделот од 2023 година, што е позитивен знак за уредот што годинава се бореше да стекне популарност на најголемиот пазар на паметни телефони во светот.

„Ајфон 16“ (iPhone 16) дебитира во септември и, според податоците од „Каунтерпоинт рисрч“ (Counterpoint Research) доставени до „Блумберг“, досега го надмина својот претходник во продажбата. Потрошувачите продолжуваат да се префрлаат на поскапите модели. Продажбата на врвните модели „про“ (Pro) и „про макс“ (Pro Max) се зголеми за 44 отсто во споредба со соодветните модели од минатата година.

Околу половина од вкупната продажба на „Епл“ на годишно ниво отпаѓа на ајфоните Bloomberg Mercury

„Со оглед на континуираното зголемување на производството, конзистентната ценовна стратегија и почетниот бран на надградби од страна на постојните корисници на ајфон, серијата ’ајфон 16’ доживеа значителен раст на кинескиот пазар. Комбинацијата на производи исто така значително се подобри“, рече Иван Лам, аналитичар на „Каунтерпоинт“.

Иако станува збор само за тринеделна слика, податоците сугерираат дека лансирањето на „Епл“ во 2024 година е подобро од ланското. Лам смета дека проблемите со производството се одразија на почетокот на „ајфон 15“ (iPhone 15), што можеби ја ограничи неговата првична продажба.

Во моментов нема коментари за веста. Биди прв да коментира...

Остави коментар