„Епл“ (Apple) доби предупредување од Европската Унија да ги отвори своите строго заштитени оперативни системи за ајфон и ајпад за конкурентските технологии или во спротивно ќе се соочи со значителни казни според новите дигитални антимонополски правила.
Надзорните органи на ЕУ објавија, според Законот за дигитални пазари (ДМА - англ. Digital Markets Act), дека компанијата од Купертино, Калифорнија, мора да се усогласи со строгите нови закони, кои бараат оперативните системи да бидат целосно функционални со други технологии. Властите во Брисел ѝ дадоа на компанијата рок од шест месеци за да се усогласи или ќе се соочи со закана од идни казни.
Иако соопштението не претставува формална истрага, ЕУ има цел да го принуди „Епл“ да ги преуреди своите услуги, за да им овозможи на конкурентските компании пристап до неговите оперативни системи.
Прочитај повеќе
Дојде денот за новиот iOS 18, дали и кога ќе стигне на вашиот ајфон
Според најавите, оперативниот систем носи многу подобрувања за ајфоните и нуди сосема нов начин за приспособување на изгледот на почетниот екран.
16.09.2024
„Ајфон 16“ се обидува да привлече купувачи со недовршена вештачка интелигенција
„Епл“ го претстави најновиот модел на својот водечки уред, „ајфон 16“.
10.09.2024
Највидлива новина во новиот ајфон е копчето за контрола на камерата
Најновите ајфони на „Епл“, кои беа промовирани синоќа, не се впечатливо различни од минатогодишните модели.
10.09.2024
„Денеска првпат користиме постапка за спецификација според ДМА за да го насочиме ’Епл’ кон ефективна усогласеност со обврскиte за интероперабилност“, посочи во соопштение Маргрете Вестагер, шефица за конкуренција на ЕУ. „Ефективната интероперабилност, на пример со паметните телефони и нивните оперативни системи, игра важна улога во ова“.
„Епл“ не одговори веднаш на барањето за коментар. Соопштението од ЕУ го потврдува претходниот извештај на „Блумберг“ (Bloomberg).
Една од целите на ДМА е да се обезбеди дека другите развивачи ќе имаат пристап до клучните функции на „Епл“, како што се Сири и платежниот чип.
ЕУ може подоцна да реши да започне формална истрага доколку производителот не се усогласи со ДМА, што би можело да доведе до значителни казни до 10 отсто од глобалната годишна продажба. Компанијата веќе се соочува со паралелна истрага во врска со правилата за Ап стор (App Store), што исто така би можело да резултира со големи казни.
Претходно месецов „Епл“ го најави најновиот модел на својот водечки уред, ајфон 16 (iPhone 16), надевајќи се дека ќе ги привлече потрошувачите со скромни хардверски подобрувања и ветување за вештачка интелигенција што сѐ уште е во развој.
Но во јуни оваа американска компанија објави дека одредени функции - вклучувајќи ги „Епл интелиџенс“ (Apple Intelligence), „Ајфон мироринг“ (iPhone Mirroring) и „Шерплеј скрин шеринг“ (SharePlay Screen Sharing) - ќе бидат ограничени за ЕУ поради барањата на ДМА за оперативните системи да работат со апликации од трети страни.
.webp){kind=icon}