„Епл“ (Apple Inc.), веднаш по објавувањето на „ајфон 16“, се подготвува да најави нов евтин телефон на почетокот на следната година, заедно со надградени ајпад-уреди.
Компанијата е блиску до почеток со производство на обновен модел на „ајфон ес-и“ (iPhone SE) - кодно име V59 - кој ќе стане нов буџетски модел, според луѓе запознаени со ситуацијата. „Епл“ исто така планира да произведе нови модели на „ајпад ер“ (iPad Air) и тастатури, кои ќе бидат пуштени на пазарот во истиот период, велат лица што побарале да останат анонимни бидејќи плановите не се јавно обелоденети.
Ова издание ќе го означи првото ажурирање на моделот „ајфон ес-и“ од 2022 година, кога беше додадена 5Г функционалноста на уредот. Со најновиот модел, „Епл“ ќе се откаже од стариот дизајн со почетното копче и рамки на екранот и ќе премине на поголем дисплеј „од раб до раб“.
Прочитај повеќе
ЕУ му наложи на „Епл“ да го отвори оперативниот систем на ајфоните
„Епл“ доби предупредување од Европската Унија да ги отвори своите строго заштитени оперативни системи.
19.09.2024
„Ајфон 16“ се обидува да привлече купувачи со недовршена вештачка интелигенција
„Епл“ го претстави најновиот модел на својот водечки уред, „ајфон 16“.
10.09.2024
Највидлива новина во новиот ајфон е копчето за контрола на камерата
Најновите ајфони на „Епл“, кои беа промовирани синоќа, не се впечатливо различни од минатогодишните модели.
10.09.2024
Обновата на телефонот ќе му помогне на „Епл“ да се натпреварува на пазарот на поевтини паметни телефони, каде што се соочува со силна конкуренција од андроид-уредите - особено во Кина. Тековниот модел чини 429 долари, што е стотици помалку од стандардниот ајфон, но сè уште е поскап од многу од неговите конкуренти. Модернизацијата на овој уред за да личи повеќе на своите поскапи „близнаци“ треба да им се допадне на купувачите со ограничен буџет и потенцијално да поврати дел од пазарниот удел изгубен на брендови како „Хуавеј“ (Huawei) и „Шаоми“ (Xiaomi).
Се очекува новиот „ајфон ес-и“ да поддржува „Епл интелиџенс“ (Apple Intelligence), најавениот сет на алатки за вештачка интелигенција, кои ќе функционираат со сите модели на „ајфон 16“ и премиум верзиите на минатогодишниот „ајфон 15“. Новиот модел ќе личи на „ајфон 14“, вклучувајќи го исечокот на горниот дел. Тековниот телефон повеќе личи на „ајфон 8“, последната стандардна верзија што вклучува копче под екранот.
Портпаролот на „Епл“ со седиште во Купертино, Калифорнија, одби да коментира.
Новите модели на „ајпад ер“ - кодни имиња J607 и J637 - ќе се фокусираат на внатрешни подобрувања. „Епл“ исто така подготвува ажурирана верзија на својата тастатура „меџик киборд“ (Magic Keyboard), кодни имиња R307 и R308, за двете верзии на „ер“ од 11 и 13 инчи. Тие ќе донесат некои од функциите на тастатурата на „ајпад про“ (iPad Pro) во подостапните модели.
Повеќе детали прочитајте на овој ЛИНК.
.webp){kind=icon}
