Шефот на „Енвидија“ загуби 10 милијарди долари, најмногу во еден ден

Богатството на главниот извршен директор на корпорацијата „Енвидија“ (Nvidia), Џенсен Хуанг, падна најмногу досега, по падот на акциите на чипови и извештајот дека американското министерство за правда испратило покани до технолошката фирма како дел од антимонополската истрага.

Нето-богатство на Хуанг во вторникот падна за околу 10 милијарди долари, на 94,9 милијарди долари, што е најголем пад во долари во еден ден за него откако индексот на милијардери на „Блумберг“ (Bloomberg) почна да го следи неговото богатство во 2016 година. Падот следуваше по падот од 9,5 отсто на акциите на производителот на чипови што тој го основа. Портпаролот на компанијата одби да коментира.

Џенсен Хуанг Bloomberg

Успехот на производите на „Енвидија“ - заедно со маката на ривалите за производство на конкурентски чипови - ја направи фирмата клучен дел од синџирот на снабдување за некои од најголемите компании во светот. Министерството за правда сега испраќа правно обврзувачки барања, кои ги обврзуваат примателите да дадат информации, се наведува во извештајот на „Блумберг њуз“ (Bloomberg News), кој цитира луѓе запознаени со истрагата. Тоа ја носи владата на чекор поблиску до поднесување формална жалба.

Антимонополските власти се загрижени дека „Енвидија“ го отежнува пристапот до други доставувачи и ги казнува купувачите што не ги користат исклучиво нејзините чипови за вештачка интелигенција, тврдат упатените.

Хуанг е 18-та најбогата личност во светот, а неговото богатство порасна за 51 милијарда долари во последната година, дури и по големиот пад во вторникот, според индексот на „Блумберг“.

Тој пораснал во Тајван и Тајланд пред да емигрира во САД, каде што во 1993 година беше соосновач на она што сега стана трета по големина компанија во светот по пазарна вредност.

Како одговор на новинарските прашања во однос на истрагата, „Енвидија“ наведе дека нејзината доминација на пазарот произлегува од квалитетот на производите, кои обезбедуваат побрзи перформанси.

Во моментов нема коментари за веста. Биди прв да коментира...

Остави коментар