text size
Групацијата ГЕН-И ја пушти во употреба втората голема соларна електроцентрала во Македонија. Соларната електроцентрала се наоѓа во близината на Кавадарци и на површина од 70.000 квадратни метри се инсталирани вкупно 17.612 фотоволтаични модули. Нивната вкупна максимална моќност во зависност од временските услови изнесува 12 мегавати. Во зависност од бројот на сончеви часови, овие модули годишно може да произведат до 15.500 мегават-часа енергија без јаглеродни емисии.
Извор: Групација ГЕН-И
„Со оглед на просечната потрошувачка на едно домаќинство, ова количество енергија ги задоволува потребите на околу 3.400 домаќинства. Тоа значи заштеда од 7.574 тони CO2 годишно“, пишува во соопштението на компанијата.
Групацијата ГЕН-И, која работи на 24 пазари како трговец со електрична енергија, веќе извесно време ги проширува своите активности и во областа на обновливите извори на енергија. Во Словенија компанијата изгради повеќе од 10.000 мали соларни електроцентрали, а со проектот во Кавадарци ја пушти во употреба својата втора голема соларна електроцентрала во странство.
Прочитај повеќе
Потенцијалот на сончевата енергија и ветерот во регионот Адрија
Земјите од регионот Адрија не го користат во целост потенцијалот за производство на електрична енергија од обновливи извори
05.06.2024
„ГЕН-И е посветена на создавање безјаглеродна иднина и заштита на планетата. Веќе долго време сме познати како снабдувач што на своите потрошувачи им обезбедува електрична енергија без јаглеродни емисии. Ние сме меѓу водечките енергетски компании во Централна и Југоисточна Европа, а со проекти како овој во Кавадарци растеме и како инвеститор во обновливи извори на енергија. Во Северна Македонија ваквите инвестиции се сè почести, бидејќи со нив се искористуваат деградирани области за одржливи цели, како што е производството на сончева енергија“, објасни претседателот на управниот одбор на ГЕН-И, Макс Хелбл.
Првата електроцентрала оваа компанија ја изгради во октомври 2022 година во светиниколско Амзабегово, чија вкупна моќност е 17 мегават-часа и годишно максимално производство од 25.000 мегават-часа зелена енергија. Со двете електроцентрали ГЕН-И сега произведува електрична енергија што ги задоволува потребите на речиси 9.000 домаќинства во Македонија.
.webp){kind=icon}
