Tехнолошката компанија и платформа за локална испорака на храна и малопродажба, „Волт“ (Wolt) најави дека ќе започне да работи и во Македонија. Така, земјава се приклучува во мрежата на компанијата, која функционира во 28 држави и вработува над 12.000 луѓе.
„Волт“ е основана во 2014 година како мала стартап-компанија со шест коосновачи, а денес е меѓу водечките платформи и поддржува економска активност од 19 милијарди евра.
Компанијата успешно ги комбинира технолошките иновации, флексибилноста на работниот модел и одржливите практики за да остане релевантна и конкурентна на пазарот. Со оперативна транспарентност, особено во однос на употребата на вештачка интелигенција, „Волт“ поставува нови стандарди во индустријата за испорака.
„Во моментот не можам да замислам подинамична и побрзорастечка компанија од ’Волт’, каде што продолжуваме да растеме низ Централна и Југоисточна Европа. Само во нашиот регион работиме во повеќе од 400 града и продолжуваме да се шириме, што поттикнува мојот тим да направи разлика во целиот дигитален екосистем. Ние сме иницијатори и иноватори во иднината на е-трговија, поддржуваме луѓе и компании во Србија, Хрватска, Словенија, Австрија, Полска, Чешка, Словачка и во Унгарија, но и надвор од нашиот регион во повеќе од 20 европски земји“, изјави пред неколку месеци регионалниот директор на „Волт“, Матко Катанец.
Во изминатата деценија „Волт“ соработуваше со повеќе од 150.000 трговци, обработувајќи 700 милиони нарачки.
Надвор од својот основен модел за испорака, компанијата ги диверзифицира услугите за да вклучи други важни производи, како лекови и електроника.
.webp){kind=icon}
Во моментов нема коментари за веста. Биди прв да коментира...