Лео Когуан, еден од најголемите индивидуални акционери на „Тесла“ (Tesla Inc.), изјави дека го намалува својот удел во производителот на автомобили и дел од приходите вложува во државни обврзници, стравувајќи од претстојна распродажба.
„Веќе не сум со тотален влог во 'Tесла'“, објави милијардерот во саботата на X како одговор на прашањето дали сè уште ги држи акциите. „Продавам од 'Tесла' и акумулирам тримесечни државни обврзници“.
Неговата причина за продажба: да го заштити своето портфолио. „Се наѕира берзански крах од типот на 1929 година“, напиша тој, давајќи нејасни референци за трилиони долари државен долг и фискални дефицити.
Прочитај повеќе
Наш коментар: Што може да се очекува од „Тесла“?
Акциите на „Тесла“ скокнаа по објавувањето на резултатите за третиот квартал, и покрај слабиот раст на продажбата на автомобили.
28.10.2024
Автономното возење на „Тесла“ под истрага по фатална незгода во САД
САД отворија сојузна истрага за тоа дали системот за делумна автоматизација на „Тесла“ е дефектен, по четири несреќи.
18.10.2024
Роботите на „Тесла“ се контролирани од луѓе?
„Тесла“ ангажирала луѓе за од далечина да управуваат со некои способности на нејзините прототипи на роботот „оптимус“ на неодамнешен настан.
15.10.2024
Когуан не одговори на барањата за коментар за големината и темпото на неговата продажба. Но, ако е вистина, тоа е голема промена за човекот што се појави како голем акционер на „Тесла“ во 2021 година и во интервјуа за „Блумберг њуз“ (Bloomberg News) зборуваше за својата доверба во Илон Маск и амбицијата да го зголемува својот удел во производителот на автомобили додека не вреди најмалку 100 милијарди долари.
Лео Когуан
Акциите на „Тесла“ сочинуваат најголем дел од богатството на Когуан од 13,5 милијарди долари, според индексот на милијардери на „Блумберг“. Тој поседуваше 27,7 милиони акции до мај, што е околу 0,9 отсто од компанијата, според записите прегледани од „Блумберг њуз“.
Роден во Индонезија, образован во Њујорк, а моментално живее во Сингапур, Когуан го стекна своето прво богатство од СХИ (SHI International Corp.), компанија за софтвер за претпријатија со седиште во Сомерсет, Њу Џерси, која ја водеше со својата поранешна сопруга.
Шеесет и деветгодишникот изјави дека почнал да купува во „Тесла“ во 2019 година и брзо изгради огромен удел користејќи опции на акции, повторно и повторно удвојувајќи го својот влог.
Когуан станува сè покритичен кон Маск откако го купи X, велејќи дека платформата за социјални мрежи го одвлекува вниманието на претприемачот од „Тесла“. Тој исто така гласаше против контроверзниот пакет за плати на Маск на референдумот на акционерите во мај, откако беше поништен од судија во Делавер.
.webp){kind=icon}
