Фармацевтската компанија „Реплек АД“ и во текот на 2024 година го задржа трендот на раст на приходите од продажба. Овој тренд почна пред две години, а лани ги надмина проектираните цели од годишниот бизнис план. Реализацијата изнесува 100,5 отсто.
„За периодот од 1. јануари до 31. декември 2024 година, остварени се вкупни приходи од продажба од 1.919,6 милиони денари (31,2 милиони евра), што претставува раст од 24 отсто во споредба со претходната година“, соопшти компанијата.
Успехот се должи на позитивниот тренд во сите четири квартали од минатата година и на континуираниот раст на приходите од продажба на домашниот, како и на странските пазари. При тоа, приходите од продажбата на домашниот пазар се зголемени за 48 отсто во однос на 2023 година, достигнувајќи 492 милиони денари (8 милиони евра). Во истиот период, приходите од продажбата на странските пазари забележаа раст од 18 отсто, достигнувајќи вредност од 1.427,6 милиони денари (23,2 милиони евра). Најзначаен раст е забележан на пазарите во Југоисточна Азија (62 отсто), регионот на ЗНД (22 отсто) и Југоисточна Европа (24 отсто), наведува компанијата.
Прочитај повеќе
„Реплек“ бележи висок скок на продажбата
Компанијата во целост го реализирала предвидениот план за продажба во првата половина од 2024 година.
31.07.2024
„Настел“ продаде акции во „Реплек“: Каква е акционерската структура по поделбата на акциите?
Со поделбата на обичните акции се изврши намалување на поединечниот номинален износ по акција.
15.07.2024
Поделени акциите на „Реплек“, за акционерите по 2.700 денари дивиденда
Една обична акција се дели на десет нови обични акции.
26.04.2024
„Реплек“ ќе продава голем колач акции преку јавна понуда
Станува збор за акции што претставуваат 8,14 проценти од основната главнина на друштвото.
22.03.2024
„Реплек“ ја зголеми добивката за 242 проценти
Оперативните приходи изнесуваат 1,8 милијарди денари и се зголемени за 37 проценти во однос на претходната година.
01.03.2024
Реплек АД
„Овие резултати се доказ за посветеноста на нашиот тим и ефикасноста на нашата развојна стратегија. Во 2025 влегуваме со нова енергија и дополнителен мотив да продолжиме да создаваме вредност за вработените, акционерите и потрошувачите. Наша цел останува да го зајакнеме портфолиото на производи, да инвестираме во модернизација и да продолжиме да градиме цврсти односи со нашите партнери. Уверени сме дека со овој континуиран раст ќе продолжиме да придонесуваме за развојот на македонската економија“, изјави Душан Пецовски, главен и извршен директор на Реплек АД.
Во оваа 2025 година компанијата влегува со планови за натамошно зголемување на продажбата на странските и на домашниот пазар, на иновации во своето портфолио на производи, како и на значителни вложувања во технолошкиот напредок и во развојот и добросостојбата на своите вработени кои се дел од долгорочна стратегија за одржлив раст и развој на компанијата, се наведува во соопштените од „Реплек АД“.
.webp){kind=icon}
