До Комисијата за заштита на конкуренцијата (КЗК) е доставено известување за концентрација со кое српската веледрогерија „Вега“ од Ваљево ќе се стекне со целосна контрола над македонската „Феникс Фарма“, црногорските „БЕНУ“ и „Фарманегра“, како и над „Феникс“ од Република Српска. Станува збор за преземање преку директно стекнување на 100 отсто од уделите во друштвата.
Од КЗК информираат дека „Вега“ е веледрогерија која работи со увоз, набавка, складирање, продажба и дистрибуција на лекови, медицински помагала, диететски производи, козметика и производи за општа намена. „Феникс Фарма“ е веледрогерија со седиште во Скопје која врши трговија на големо со фармацевтски производи, вклучувајќи увоз, складирање, продажба и дистрибуција на лекови, медицински помагала и додатоци во исхраната од домашни и меѓународни производители.
Од КЗК ги повикуваат заинтересираните трети страни да достават забелешки и мислења за оваа концентрација до Комисијата.
.webp){kind=icon}
