Новите царини на Трамп за увоз на автомобили најтешко ги погодуваат германските производители, кои извезуваат повеќе возила во Америка отколку во која било друга земја.
„Порше“ (Porsche AG) и „Мерцедес“ (Mercedes-Benz Group AG) се во ризик да изгубат 3,7 милијарди долари поради новите американски царини на увезени автомобили.
Царините на Трамп за увоз на автомобили од 25 проценти, кои стапуваат во сила на 3 април, би можеле да ја намалат проектираната заработка на овие две компании за 2026 година за една четвртина, покажува анализата на „Блумберг интелиџенс“ (Bloomberg Intelligence).
Прочитај повеќе
Трамп се закани со нови царини за ЕУ и Канада ако се здружат против САД
Американскиот претседател се закани дека големи царини, „многу поголеми од планираните“, ќе бидат воведени кон овие земји при развој на такво сценарио.
27.03.2025
Меѓу многуте губитници, Илон Маск е победник во војната со царините за возилата
Планираните царини на американскиот претседател Доналд Трамп за увоз на автомобили ќе им наштетат на автопроизводителите во светот и ќе ги зголемат цените за американските потрошувачи.
27.03.2025
Накратко од светот: Трамп воведе царини за увоз на автомобили
Американскиот претседател ги нарече овие мерки „трајни“ и порача дека не е заинтересиран за преговори за исклучоци.
27.03.2025
За да го ублажат влијанието на царините врз бизнисот, „Порше“ и „Мерцедес“ веројатно ќе мора да ги зголемат цените или да го префрлат производството во САД.
Царините би можеле посебно да влијаат на продажбата на модели со посилни мотори, како што се спортскиот модел 911 на „Порше“ и седанот с-класа на „Мерцедес“, бидејќи за нив се пропишани поголеми маржи.
„Најновиот потег на Трамп е фатален за слободната трговија заснована на правила“, оцени германското автомобилско лоби ВДА (VDA), повикувајќи на преговори со Вашингтон.
Bloomberg Mercury
Покрај најголемите германски производители на автомобили, царините би можеле да ги погодат производителите на автоделови, како што се „Роберт Бош“ (Robert Bosch GmbH) и „Континентал“ (Continental AG).
Повеќето германски производители на автомобили управуваат фабрики во Америка, каде што произведуваат автомобили како за американските купувачи така и за извоз.
Доколку Европската Унија одговори, секоја ескалација на трговската војна би можела дополнително да ја оштети индустријата што веќе се бори со растечки трошоци и намалена побарувачка.
„Порше“, кое се бори со намалена продажба во Кина, можеби е најмногу изложено. Производителот на луксузни автомобили е во постојан пораст во последните 15 години во САД. Но дилерите на „Порше“ во САД целосно се потпираат на увозот бидејќи производителот таму нема фабрика.
„Царините ги ставаат компаниите под голем притисок, како и глобалните синџири на снабдување во автоиндустријата“, вели Хилдегард Милер, претседателка на ВДА.
Како што оцени тој, потегот на Трамп ќе има последици за потрошувачите, особено во Северна Америка.
.webp){kind=icon}
Во моментов нема коментари за веста. Биди прв да коментира...