Франција е една од најслабите алки во Европа годинава. Референтниот француски индекс CAC 40 заостанува зад паневропскиот STOXX 600 за речиси половина, а инвеститорите се оптоварени од политичката нестабилност, растечките притисоци врз јавниот долг и фискалната политика, како и бавниот економски раст.
Дополнителен товар се самите компании, кои се силно изложени на трговски тензии и царини наметнати од администрацијата на Доналд Трамп.
Во една таква средина, инвеститорите, под притисок на негативните чувства, во голема мера го игнорираа францускиот пазар, што значеше пропуштање на потенцијалните можности што се појавија таму.
Еден впечатлив исклучок е француската компанија што годинава се појави како апсолутен победник. Еве ја приказната зад нејзиниот раст.
Француски берзански шампион
„Егзај техноложи“ (Exail Technologies) е француски стартап специјализиран за автономни роботи, навигациски системи, поморски технологии и фотоника. Формиран е со спојување на „ЕКА груп“ (ECA Group) и „Иксблу“ (iXblue) - „Груп Горже“ (Group Gorgé) кон крајот на 2022 година.
Од почетокот на годината „Егзај техноложи“ порасна за повеќе од 500 проценти, надминувајќи ги некои од најпопуларните акции годинава, како што се тие на американскиот „Палантир“ (Palantir), кој годинава порасна за околу 120 проценти, или на кинеската „Енвидија“ (Nvidia), „Кембрикон“ (Cambricon), чиј раст е повеќе од 130 проценти.
Транзиција од цивилна технологија во одбранбена индустрија
„Егзај“ порано работеше првенствено во цивилна и истражувачка средина, од подводно мапирање до роботизирана инспекција на тешко достапни области. Сепак, во последниве години компанијата сè повеќе го префрла својот фокус кон одбранбената индустрија. Причина за тоа е комбинацијата од геополитички околности и технолошка предност што веќе ја имаше во нишите како што се подводната роботика и прецизната навигација. Зголемената побарувачка за напредни решенија во поморското минско војување и автономните системи отвори огромен простор во одбранбениот сектор, а производите и знаењето на „Егзај“ се подготвени да одговорат на овие потреби.
Денес „Егзај“ е компанија профилирана како лидер во сегментот на поморска роботика, автономни дронови, системи за борба против мини и високотехнолошки решенија за навигација за воени и безбедносни апликации. Нивната привлечност лежи во фактот дека тие ја комбинираат цивилната експертиза со растечката глобална побарувачка за одбранбена технологија, што ги прави еден од ретките европски специјализирани (pure play) играчи во областа на автономните системи и одбранбената роботика.
Продажбата во вториот квартал порасна за 52 отсто поради зголемените воени трошоци во Европа
Вториот квартал од 2025 година заврши со силен раст на приходите од 52 проценти, зголемувајќи ги на 126 милиони евра, а благодарение на силната побарувачка за подводни дронови и навигациски системи. Нарачките достигнаа 125 милиони евра, што е за 51 отсто повеќе од истиот период претходната година, додека заостанатите нарачки пораснаа на 1,1 милијарда евра. Компанијата нагласува дека одбранбениот сектор, особено програмите во Европа и Азија, е силен двигател на експанзијата на бизнисот. Покрај тоа, менаџментот ги потврди насоките за 2025 година во кои очекуваат двоцифрен раст на приходите и уште побрз раст на оперативната добивка (ЕБИТДА). Перспективите за раст се дополнително поткрепени од зголемените воени буџети во Европа, вклучувајќи го и ветувањето на Макрон да го удвои францускиот воен буџет до 2027 година.
Силниот раст на продажбата и рекордниот заостанат обем на работа го насочија фокусот кон профитабилноста. Иако нето -добивката на крајот од 2024 година беше сè уште малку негативна, пазарните очекувања, како и изјавата на менаџментот на компанијата, укажуваат на премин кон профитната зона и продолжување на растот на добивката во наредните години.
.webp){kind=icon}
