„Керинг“ (Kering SA), чијашто луксузна понуда ги вклучува „Гучи“ (Gucci), „Сен Лоран“ (Saint Laurent) и „Баленсијага“ (Balenciaga), во понеделникот соопшти дека во јуни открила упад во податоци – најнов во низата напади врз секторот за потрошувачки стоки.
Хакери добиле пристап до „ограничени податоци на клиенти од некои од нашите куќи“, соопшти компанијата. Модните куќи, односно брендови, веднаш го пријавиле упадот до надлежните органи и ги известиле клиентите, додаде компанијата. Во инцидентот не биле засегнати финансиски информации, вклучително бројки од банкарски сметки, детали од кредитни картички или броеви од лични документи издадени од властите, се наведува во соопштението.
Француската мултинационана компанија, „Керинг“, со седиште во Париз, соопшти дека презела мерки за заштита на засегнатите системи и за спречување на идни инциденти.
Прочитај повеќе
Од „Гучи“ до „Ролекс“: Подемот и падот на луксузот во музиката
Некогаш имињата како „Гучи“, „Ролекс“ и „Луј Витон“ беа главни во текстовите на најпопуларните песни.
16.08.2025
„Гучи“ го пречекува новиот директор со бонус од 20 милиони евра
Новиот шеф на „Керинг“ ја презема функцијата во септември, а покрај великодушното добредојде, се соочува и со најтешката задача во луксузната индустрија: враќање на сјајот на „Гучи“.
09.08.2025
Заборавете на Волстрит, во Италија владеат семејните фирми
Италијанскиот модел на семеен капитализам е особено присутен во модата и луксузните брендови.
04.06.2025
Тежок удар за луксузот - „Луј Витон“ поскапува, продажбата на „Гучи“ опаѓа
„Луј Витон“ ја зголеми цената на својата популарна чанта „неверфул“ во САД за 4,8 проценти.
30.04.2025
Објавата следува по низа слични безбедносни инциденти годинава кај трговците во Обединетото Кралство, меѓу кои и априлскиот напад врз „Маркс енд Спенсер груп“ (Marks & Spencer Group Plc), којшто го наруши онлајн доставувањето речиси четири месеци. Понова е објавата на „Јагуар Ленд Ровер“ (Jaguar Land Rover) дека кибернапад ја прекинал нејзината малопродажна и производна активност. Медиуми, меѓу кои и „Би-Би-Си њуз“ (BBC News), претходно информираа за нападот.
Претставник на хакерската група „Шајни Хантерс“ (ShinyHunters) ја презеде одговорноста за нападот врз „Керинг“. Лицето комуницирало преку „Телеграм“ (Telegram) и одбило да го открие својот идентитет. „Блумберг њуз“ (Bloomberg News) не успеа да ја провери веродостојноста на тврдењето.
.webp){kind=icon}
