Најбогатиот човек во Германија сака да купи уште акции во Дојче Луфтханза (Deutsche Lufthansa), откако инвестираше дел од своето богатство заработено во логистиката на најголемата европска авиокомпанија.
Клаус Михаел Куне планира да го зголеми својот удел од 15,01 отсто во германската авиокомпанија, се наведува во соопштението од Куне Холдинг (Kuehne Holding). Логистичкиот магнат претходно во текот на оваа година веќе ја претрка германската држава, како најголем акционер во компанијата.
„Нашиот интерес за Луфтханза е непроменлив“, изјави 85-годишниот сопственик, додавајќи дека неодамна имал конструктивен разговор со претседателот на надзорниот и извршниот одбор. „Имаме намера да купиме дополнителни акции во Луфтханза, веднаш штом ќе се укаже можност за тоа“, вели Михаел Куне, кој покажува интерес и за да преземе место во одборот на Луфтханза.
Прочитај повеќе
Луфтханза во последен момент спречи штрајк на пилотите
Авиокомапнијата ги покачи платите на пилотите, не објавувајќи детали од понудата
06.09.2022
Според индексот на милијардери на Блумберг, Куне вреди 31,3 милијарди долари. Тој е почесен претседател и мнозински сопственик на компанијата Куне+Нагел (Kuehne + Nagel), најголемиот светски шпедитер.
Магнатот јавно не ја сподели конечната визија за натамошното зголемување на уделот во Луфтханза но, неколку големи компании кои што се заминаваат со транспорт веќе го прошируваат своето влијание на полето на комерцијална авијација. Логистичките компании уживаа во големи профити последните години поради експанзијата на карго прометот, што доведе до тоа дел од нив да ја реинвестираат заработката во авиокомпании.
Куне Холдинг, исто така, поседува 30 отсто удел во германската компанија за превоз Hapag-Lloyd, која што до сега не се обиде да преземе деловни активности во авијацијата. Секторот за карго на Луфтханза управува со флота на големи теретни авиони, а исто така, се служи и со неискористениот простор во патничките авиони.
Францускиот логистички гигант CMA CGM во месец мај прифати да купи удел во компанијата Air France-KLM, додека MSC Mediterranean Shipping Company даде заедничка понуда со Лофтханза за купување на компанијата Italia Trasporto Aereo, позната како ITA, која што е наследник на пропаднатата италијанска државна авиокомпанија Alitalia.
.webp){kind=icon}
