text size
Главниот извршен директор на „Тојота мотор“ (Toyota Motor Corp.), Коџи Сато, ќе застане на чело на Јапонската асоцијација на производители на автомобили, преземајќи ја групата во критичен период, додека индустријата се соочува со зголемени неизвесности, од царини до недостиг од чипови.
Сато ќе ја преземе функцијата претседател од 1 јануари, соопшти асоцијацијата денес. Тој ќе го наследи главниот извршен директор на „Исузу моторс“ (Isuzu Motors Ltd.), Масанори Катајама, кој ја извршуваше функцијата една година.
„Нашата индустрија се наоѓа на пресвртница“, изјави Катајама. „Губењето на конкурентската предност неизбежно ќе влијае врз широк спектар различни сектори.“
Прочитај повеќе
Рекордна продажба на „Тојота“ во првото полугодие, пазарот во САД ги победи Јапонија и Кина
„Тојота“ одржа рекордната глобална продажба во текот на првата половина од фискалната година бидејќи растот во САД помогна да им се спротивстави на „млаките“ резултати во Јапонија и во Кина.
27.10.2025
Ефект од царините на Трамп: Поскапуваат јапонските автомобили во САД
„Тојота“ ќе ги зголеми цените на некои од возилата што ги продава во САД за повеќе од 200 долари
21.06.2025
ЕУ казни дел од автомобилските гиганти со 458 милиони евра за картелско здружување
Истрагата на ЕУ откри дека 16 големи производители на автомобили, како и Европската асоцијација на производители на автомобили, пред повеќе од 15 години склучиле договори против пазарната конкуренција.
02.04.2025
Уште колку може „Тојота“ да го одложува производството на електрични возила?
Најголемиот производител на автомобили во светот досега се фокусираше на хибридни возила и на автомобили со голема потрошувачка на горива.
31.03.2025
Неговите коментари ги истакнуваат предизвиците што стојат пред 56-годишниот Сато и пред јапонската автомобилска индустрија во целина. Секторот губи позиции на некои странски пазари поради жестоката конкуренција од кинеските производители на електрични возила, додека увозните царини воведени од американскиот претседател Доналд Трамп силно ги погодија профитите на автомобилските компании.
Во поново време недостигот од чипови од „Нексперија“ (Nexperia BV) - исто така како последица на геополитичките тензии - ги наруши производствените планови на дел од автомобилските производители.
Автомобилската индустрија е клучен столб на јапонската економија, учествувајќи со околу 10 отсто во бруто-домашниот производ и имајќи важна улога како двигател на растот на платите.
Јапонската асоцијација на производители на автомобили застапува 5,5 милиони вработени од 14 автомобилски производители во земјата.
Раководството на асоцијацијата со години е во рацете на претставници на „Тојота“. Пред краткиот мандат на Катајама, тогашниот главен извршен директор на „Тојота“, Акио Тојода, ја извршуваше функцијата од 2018 година.
.webp){kind=icon}
