Копија од 49 долари на лекот за слабеење „вегови“ го потресе пазарот

Помалку од два дена откако „Ново Нордиск“ (Novo Nordisk A/S) ги промовираше своите таблети за слабеење „вегови“ (Wegovy) како едни од најуспешните во последните години, на пазарот се појави копија од лекот.

Акциите на данскиот производител на лекови паднаа во четвртокот откако компанијата „Химс енд Херс“ (Hims & Hers Health Inc.) лансираше поевтина верзија на „вегови“. Падот на акциите следи по тешката недела за „Ново“, кој изгуби околу 60 милијарди долари пазарна вредност откако предупреди дека продажбата на лекот може да се намали до 13 отсто годинава.

„Химс“ соопшти дека нивната копија на лекот ќе се нуди по цена од 49 долари за првиот месец, а потоа 99 долари месечно за оние кои ќе се претплатат на петмесечен план. За споредба, оригиналните „вегови“ таблети на „Ново“, кои беа претставени во јануари, стартуваат по цена од 149 долари месечно.

Акциите на „Ново“ паднаа до 10 отсот во Копенхаген, додека конкурентот „Ели Лили“ (Eli Lilly & Co.) забележа пад на акциите до 7,4 отсото во раното тргување.

Овој потег го засени лансирањето на „вегови“, кое требаше да му помогне на „Ново“ да се истакне на ултра-конкурентниот пазар на лекови за слабеење. Компанијата веќе губи пазарен удел од „Лили“ и други хелт компании како „Химс“, кои продаваат копии на нејзините лекови.

Според прогнозите, таблетите на „Ново“ се очекува да оствари приходи од 1,3 до 1,35 милијарди долари во првата година. Во првите четири недели од лансирањето, повеќе од 170.000 пациенти почнале да го користат лекот, според официјалните податоци на компанијата. Аналитичарите го сметаат лансирањето за едно од најуспешните во поновата историја.

Хелт компаниите, како „Химс“, искористија можност да продаваат поевтини копии на лековите на „Лили“ и „Ново“ во време на широка недостапност. Потоа компаниите почнаа да ја „надградуваат“ формулата, менувајќи дози или додавајќи нови состојки, за нивните производи да се сметаат за доволно различни од оригиналите.

„Химс“ тврди дека нивниот нов лек „користи различна формула и систем на испорака од одобрениот орален семаглутид од Агенцијата за лекови“, кој е активна состојка во лековите на „Ново“. „Оваа комбиниран семаглутид таблета не е суштинска копија на 'вегови'“, изјави портпаролката на „Химс“, Еби Рајзингер.

Се додава дека оригиналниот „вегови“ користи патентирана технологија која го штити активниот состав од силните желудочни киселини за подобро апсорбирање. Извршниот директор на „Ново“, Мајк Доустдар, изјави дека без оваа заштитна технологија „лекот едноставно не функционира“.