.webp){kind=icon}
Претседателката на компанијата „Тесла“ (Tesla), Робин Денхолм, го бранеше фокусот на американскиот производител на електрични автомобили на Кина и плановите да се продолжи со тамошно шорење, велејќи дека за постигнување на целта за производство на 20 милиони возила годишно до 2030 година ќе бидат потребни производствени капацитети на сите континенти.
„Градиме фабрики низ целиот свет“, посочи Денхолм по обраќањето во националниот новинарски клуб во Канбера во средата. „Сметаме дека додека светот се врти кон електричните возила и литиум-јонски батерии, ние треба да бидеме на сите големи пазари ширум светот“, додаде таа.
Tesla неодамна отвори фабрики во Берлин и Тексас, покрај постојните во Шангај и Калифорнија. Активностите на производителот на електрични возила во Кина се враќаат во полн капацитет по надградбите на производната линија и крајот на заклучувањето поради коронавирусот што претходно оваа година го забави производството. Tesla во август испорача 76.965 возила од кинеско производство, што е нешто помалку од рекордните 78.906 во јуни.
„Производството на возила на други континенти е важно затоа што, повторно, кога поставувате долгорочен синџир на снабдување, сакате автомобилите да патуваат што е можно помалку километри пред некој навистина да ги добие. Тоа го вклучува и поморскиот транспорт бидејќи сите тие процеси придонесуваат за емисиите на CO₂“, рече Денхолм.
Tesla постави цел да произведува 20 милиони електрични автомобили годишно до 2030 година, додека во 2021 година компанијата произведе нешто помалку од еден милион возила. Само надградбата во Шангај го удвои годишниот капацитет на фабриката на околу еден милион единици.
Робин Денхолм, претседателка на Tesla / Bloomberg
„Пазарите ширум светот се навистина важни и затоа е важно да се има производствен капацитет на секој континент“, кажа Денхолм, на прашањето дали е загрижена поради тоа што Tesla се најде во центарот на стратешкиот натпревар меѓу САД и Кина.
Во 2018 година Tesla влезе во Кина на црвен тепих - доби даночни олеснувања, евтини кредити, дозвола за целосно да ги поседува своите тамошни операции и помош во изградбата на мегафабриката во Шангај со огромна брзина. Тоа помогна компанијата да ја направи Кина најважниот пазар надвор од САД.
Гигафабриката во Шангај има значително зголемен капацитет/ Bloomberg
Сепак, односите неодамна се заладија по серија сериозни безбедносни инциденти, протести на незадоволни клиенти, регулаторна контрола и загриженост дека камерите инсталирани во автомобилите може да се користат за шпионирање.
Американскиот гигант за електрични возила вложи максимални напори да ја одржи фабриката во Шангај отворена за време на двомесечното заклучување на градот, што вклучуваше и работниците да спијат на работа - тие спиеја во фабриката и работеа во смени од по 12 часа, шест денови во неделата.
