.webp){kind=icon}
Испораките на „Тесла“ (Tesla Inc) од фабриката во Шангај се зголемија во јануари и покрај вообичаено помирните лунарни новогодишни празници, поттикнати од агресивните намалувања на цените на двата модела што ги произведува во Кина.
Американскиот производител на електрични возила во јануари испорача 66.051 автомобил произведени во Кина, покажуваат прелиминарните податоци од кинеската асоцијација за патнички автомобили објавени денеска. Тоа е зголемување од 18 отсто во однос на декември.
„Тесла“, чие седиште е во Остин, Тексас, двапати ги намали цените на автомобилите „молел 3“ и „модел Y“ во Кина во последните месеци, со цел да ја зголеми продажбата. Компанијата ги намали и цените во својата понуда на американските и главните европски пазари по неколкуте квартали со неисполнети цели за испорака.
Повеќе од половината од вкупно 1,31 милион електрични возила што „Тесла“ ги испорача на глобално ниво во 2022 година беа произведени во Кина. Лунарниот новогодишен одмор во најголемата азиска економија кон крајот на минатиот месец влијаеше на продажбата на возила во целина, при што производствените линии беа запрени, бидејќи работниците се упатија кон родните градови, а само неколку продажни места останаа отворени. Укинувањето на националната субвенција за купување електрични возила кон крајот на 2022 година, исто така, ги поттикна клиентите да направат нарачки во четвртиот квартал. Вкупната продажба на нови електрични возила се очекува да се намали за 45 проценти во јануари, споредено со декември, односно да падне на околу 410.000 единици.
