text size
„Пејпал“ (PayPal Holdings Inc.), пионер во дигиталните плаќања, привлекува интерес од потенцијални купувачи откако падот на цените на акциите избриша речиси половина од неговата пазарна вредност, потенцираат добро упатени извори запознаени со ситуацијата.
Компанијата со седиште во Сан Хозе, Калифорнија, одржала состаноци со банки во врска со ненајавен интерес од купувачи, брифираат изворите. Најмалку еден голем конкурент разгледува купување на целата компанија, додека други се заинтересирани само за одредени средства на „Пејпал“, навеле изворите кои побарале да останат анонимни бидејќи информацијата е приватна.
Интересот за „Пејпал“ сè уште е во прелиминарна фаза и можеби нема да доведе до трансакција, предупредиле изворите. Претставник на „Пејпал“ одби да коментира.
Прочитај повеќе
Ги откриваме маките на македонските фриленсери: Сонуваат за „Пејпал“
Oтсуството на сигурни и достапни начини на плаќање претставува голем предизвик за фриленсерите од земјите во развој.
26.07.2024
„Пејпал“ укинува 2.500 работни места
„Пејпал“ ќе ја намали својата работна сила за околу 9 отсто.
31.01.2024
Пад на „Пејпал“ – акциите на компанијата изгубија речиси половина од вредноста во последните 12 месеци | Bloomberg
Основана кон крајот на деведесеттите години, „Пејпал“ беше еден од пионерите во светот на дигиталните плаќања. Сепак, компанијата сега се соочува со застој бидејќи нејзините корисници сè почесто преминуваат на други начини на плаќање.
Акциите на „Пејпал“ паднаа за околу 46 отсто во тргувањето во Њујорк во последните 12 месеци, со што компанијата се вреднува на околу 38,4 милијарди долари.
Актуелниот претседател на управниот одбор, Енрике Лорес, на 1 март ќе ја преземе функцијата претседател и извршен директор на „Пејпал“. Негова задача ќе биде да се зафати со компанија која изгуби пазарен удел во однос на конкуренти како „Епл пеј“ (Apple Pay) и „Гугл пеј“ (Google Pay) и која не успеа да ги модернизира своите технологии за плаќање.
Поранешниот извршен директор, Алекс Крис, беше сменет на почетокот од овој месец, откако неговиот план за пресврт не ги исполни очекувањата. Добивката и приходите во четвртиот квартал не ги достигнаа процените на аналитичарите, покажуваат резултатите за тој период, кои исто така покажаа продолжување на забавувањето на обемот на плаќања.
.webp){kind=icon}
