И покрај тоа што во јавноста се појавија информации дека набавната цена на дизелот ќе биде намалена, до „Макпетрол“ од страна на ОКТА до денес не е пристигнато официјално известување врз основа на која што би се промениле договорните услови помеѓу двете компании, велат од компанијата. Наместо тоа, од страна на добавувачот и понатаму се испраќаат фактури во полна сума, односно без најавениот попуст.
Во однос на соопштението испратено до јавноста од Регулаторната комисија за енергетика (РКЕ), „Макпетрол“ смета дека ова тело со ваквото укажување до трговците да ги формираат цените пониско од максимумот излегува надвор од своите овластувања и професионалните стандарди.
„Макпетрол“ уште еднаш нагласува дека ова не е вистинското решение за конкретната ситуација за што потврда се доби и преку зголемените цени кои денес ги објави РКЕ.
Прочитај повеќе
Дали горивата ќе поевтинат - „Окта“ понуди попуст кој за „Макпетрол“ е недоволен
Од денеска до крајот на овој месец „Окта“, најголемиот снабдувач со деривати во земјава, ќе обезбеди попуст од 2 денари по литар дизел и бензини, за трговците кои набавуваат горива од компанијата.
13.03.2026
Колони на бензинските во исчекување на новите цени, во светот нафтата падна на 87 долари за барел
До утрово по европско време цената се доближи до 120 долари, а веќе во вечерните часови повторно падна на две цифри, и во моментот на пишување на овој текст, околу 21 часот, изнесуваше нешто над 87 долари за барел што е под цената во петокот.
09.03.2026
Сојузниците на САД го одбиваат барањето на Трамп заедно да го обезбедуваат Ормускиот Теснец
Клучните сојузници на САД од НАТО не го прифаќаат барањето на Трамп за помош околу обезбедувањето на Ормускиот Теснец.
16.03.2026
Трамп бара помош од други земји за обезбедување на Ормускиот Теснец
Трамп бара од Кина и од други земји да помогнат во обезбедувањето на Ормускиот Теснец, предупредувајќи дека САД не треба сами да го штитат коридорот од кој светот ја добива енергијата.
16.03.2026
„Како што укажавме, огромна е веројатноста цените на суровата нафта и понатаму да растат. Тоа значи дека ако не се направат соодветни решенија штети ќе трпат и граѓаните и целата економија.“
Според „Макпетрол“, најдобро решение за надминување на проблемот за сите засегнати страни е замрзнување на набавните цени на нафтените деривати, а со тоа и на малопродажните цени, како што е пракса во регионот и во Европа.
Да потсетиме, од ноќеска на полноќ литар дизел ќе се продава по цена од 92 денари. Цената на горивото се зголемува за 6,5 денари по литар, соопшти денеска РКЕ. Поскапувањето кај бензините е поголемо, за седум денари по литар и од ноќеска литар БС 95 ќе чини 86,5 денари, а БС 98 ќе се продава по цена од 88,5 денари.
Од почетокот на кризата на Блискиот Исток цената на дизелот во земјава се зголеми за 21 денар, а на бензините за 12 денари по литар.
.webp){kind=icon}
