Во јули каматата на новоодобрените кредити за компаниите достигна 5,75 отсто, што е раст од 1,56 процентни поени во однос на јули претходната година, додека во однос на јуни има раст од 0,36 процентни поени, покажуваат податоците на НБРМ. Но на компаниите им се на располагање и други извори на финансирање, вели во интервју за „Блумберг Адрија“ Пенка Мукаетова, генерална менаџерка од друштвото за консултантски услуги „Консалтинг интер груп“.
Bloomberg Adria
Стопанството има на располагање повеќе можности да обезбеди финансирање, тука се повеќе форми што доаѓаат од финансиските институции, пристапните фондови, државните програми. Сепак, побарувачката е многу поголема во однос на тоа што е понудено на пазарот, а компаниите наидуваат и на одредени пречки при обезбедувањето финансии.
„Долгите процеси од моментот на апликација до моментот на реализација на самиот проект се клучните пречки со кои се соочуваат фирмите“, вели Мукаетова.
Bloomberg Adria
Таа додава дека помалата флексибилност од страна на финансиските институции во делот на временскиот интервал и во делот на обезбедувањето што го бараат од самите компании е најчестиот проблем на кој наидуваат компаниите. „Особено се погодени малите компании, оние стартап-компании за кои нема ништо што може да го понудиме да им биде олеснување“, вели Мукаетова.
Bloomberg Adria
Сепак таа потенцира дека практиката од досегашното работење покажува дека најголем интерес има за инвестициските кредити што ги нудат комерцијалните банки во текот на целата година на најразлични начини на инвестирање.
„Дали е во помал обем или во поголем обем, сепак, дефинитивно тоа е најатрактивно и најактуелно во моментот. Тука имаме најмногу средства каде што можеме да обезбедиме повеќе финансии за самите компании“, вели Мукаетова.
Bloomberg Adria
Консултантските фирми се обидуваат преку различни модели со комбинирана поддршка да аплицираат и да обезбедат повеќе извори на финансирање за компaниите. „Меѓутоа, се соочуваме со нефлексибилност од самите финансиски институции. Пред сè тоа е во однос на барањата за обезбедувања финансиски средства, кои некогаш се нереални“, вели Мукаетова.
.webp){kind=icon}
Во моментов нема коментари за веста. Биди прв да коментира...