.webp){kind=icon}
И покрај статистичкиот пад на инфлацијата која во септември стигна на ниво од 6,6 отсто повеќе од лани, што е намалување од претходните 8,3 отсто, храната поскапува во континуитет.
Владините мерки како замрзнување на цените, па згоемување на ДДВ-то за дел од артиклите немаат ефекти во борбата со инфлаторниот притисок, критикува дел од бизнис-секторот.
Bloomberg Adria
Претседателот на Стопанската комора на Северозападна Македонија, Менди Ќура, вели дека негативни ефекти ќе има и од новиот предлог-закон за ограничување на рабатот на ланците супермаркети на 10 отсто, како и од данокот на солидарност кој бизнисот го оспори пред Уставниот суд.
Bloomberg Adria
„Компаниите кои во времето на криза се помагаа со некои скромни субвенции од Владата сега се во незгодна ситуација поради носењето на закон за намалување на профитот, односно на рабатот, што е голем проблем и ние како комора веќе го оспоруваме, бидејќи сметаме дека слободниот пазар не функционира како што треба и сметаме дека вакви мерки се непродуктивни. Производителите во овој случај мораат да се снаоѓаат, не само трговците и производителите се во неизвесна ситуација, така што сметаме дека ова е противзаконски и ако продолжиме со вакви мерки сигурно дека ќе имаме последици. Сигурно дека ќе губиме во квалитет, бидејќи производителите мора да најдат начин како да ги покријат трошоците, знаеме дека во последно време и во банкарскиот сектор каматите се веќе многу големи и со вакви каматни стапки производителите мора да ги покачат цените, а од друга страна Владата притиска да се намалуваат. Сметаме дека ваквите мерки не даваат резултати“, вели Ќура.
Bloomberg Adria
Во вакви околности инфлацијата само привидно се пригушува, а мерките прават дисторзија на пазарот, додава тој.
„Иако гледаме дека инфлацијата се намалува, праксата покажува дека тоа не е реално. Растот на каматите не го намали овој притисок, гледаме раст на цени и кај храната и во многу сектори. Тука е притисокот од покачувањето и на платите. Кај нас инфлацијата е увозна и производителите со мал процент на производство не може да делуваат многу во тој дел. Сите овие елементи покажуваат дека инфлацијата ќе трае и идната година“, вели Ќура.
