Ерата на евтини летови не е завршена

„Мислам дека 2023 година е многу добра година, каде што гледаме огромно зголемување на сообраќајот во споредба со 2019 година, бидејќи оваа година беше референтна година“, вели Неџат Курт, генерален директор на „ТАВ Македонија“, во интервју за серијалот „Лидери“ на „Блумберг Адрија“.

Блумберг Адрија

Минатата година на скопскиот и охридскиот аеродром имало 3,15 милини патници, што е рекорд досега. За годинава менаџментот на ТАВ очекува да надмине 3,3 милиони патници.

„Кога ќе ги погледнете сите аеродроми со кои работиме во моментов, сите имаат речиси двоцифрен пораст во однос на претходните години. И можеме да видиме дека се случува огромно закрепнување“, вели Курт.

Тој посочува дека со оглед на високата инфлација, за која очекува да се намали годинава, се работи и на подобрување на стандардот на вработените.

„Секогаш се приспособуваме според ситуацијата, за да се осигуриме дека сите имаат нормален стандард, како што очекувавме“, додава Курт.

Тој посочува дека смета оти ерата на евтини летови не е завршена.

„Сигурен дека авиокомпаниите ќе ги зголемат цените поради промената на цената на горивото. Ние како аеродромски оператори не ги дефинираме тие промени во цените. Ние не дефинираме зголемување на цената на билетите, намалување на цената на билетите и така натаму. Тоа е исклучиво одговорност на самата авиокомпанија. Можеби цените ќе се зголемат, но сепак ќе има евтини летови“, вели Курт.

Во однос на дестинациите и конкурентноста на аеродромите во Скопје и во Охрид со другите во регионот, тој посочува дека како што македонски патници летаат од аеродромите наоколу, така има и патници од земјите од соседството што летаат од Македонија. А тоа, како што вели Курт, може да се види и од табличките на автомобилите што се оставени на паркингот пред аеродромот во Скопје.

Блумберг Адрија

Во однос на охридскиот аеродром, Курт посочува дека за тој да стане поконкурентен не зависи само од нив како концесионери.

„Таму можеме да направиме терминал од 20.000 квадратни метри, со најсовремена технологија. Но, ако околината не е погодна да одговара на тој аеродром, не можеме нешто многу да направиме. Значи, општеството, инфраструктурата во овие градови и достапноста на патиштата и така натаму ќе имаат огромно влијание врз воздухопловниот пазар во сите земји“, вели Курт.

Кога ќе помислиме на автопатот што моментално е во изградба, може да се каже дека во моментот кога ќе се финализира овој пат, ќе има многу големо влијание врз развојот на туризмот.

Тој додава дека турските туристи сега се најмногубројни во Охрид.

„Значи, не секој е во позиција да патува во познатите европски главни градови бидејќи е многу скапо. А горе-долу, Македонија е на највисоката врвна оценка на турски туристи. И ние би сакале да видиме некоја авиокомпанија од Турција да лета на оваа дестинација“, вели Курт.

Курт посочува дека субвенциите од државата за авиосообраќајот се добар модел, но дека во иднина се очекуваат и нови дестинации од аеродромите во Македонија.