Бројот на туристи во Македонија во првиот квартал од годинава споредено со истиот период од претходната година е зголемен за 14,4 отсто. Кај домашните има зголемување за 8,6 отсто, а кај странските има зголемување за 18 отсто. Раст има и кај бројот на ноќевања, и тоа за 14,8 отсто.
„Во текот на целата година работиме да донесеме повеќе туристи во Македонија“, вели Сузана Зелениковска, проект-менаџерка во „Фибула ер травел“, во интервју за „Блумберг Адрија“.
Сузана Зелениковска
Bloomberg Adria
Таа додава дека постојано се работи на подготовка на добра понуда, не само за престој во Македонија туку и во земјите од регионот.
„Во нашата понуда има балкански тури, значи сакаме туристите што ќе дојдат во Македонија да ги задржиме три-четири дена и да продолжиме со посета на другите балкански земји. Нашиот спас односно привлекување на странските туристи е да направиме одлични цени и пакети за балкански тури, но не е само тоа туку треба да имаме добра понуда што се однесува на хотелско сместување, инфраструктура, културно-историски споменици итн. Се работи на оваа проблематика“, вели Зелениковска.
Сузана Зелениковска (ТВ-гостување)
Bloomberg Adria
За луксузни аранжмани има интерес во текот на целата година, но тој е во помал број.
„Мал проблем за нас е тоа што ги изгубивме директните врски како Скопје-Дубаи и Скопје-Доха, па сега за егзотичните дестинации користиме поаѓања само од Скопје преку Истанбул, како опција го користиме и Белград-Скопје-Белград за да поврземе и да добиеме добри цени. Не е важна само врската, туку треба да понудиме добра цена за клиентите да ја прифатат нашата понуда“, вели Зелениковска.
Иако политичките случувања сега може да бидат закана за туристите, особено оние што сакаат да патуваат за Грција или Бугарија, сепак Зелениковска вели дека не ја мешаат политиката и во нивната понуда се вклучени и Грција, Бугарија, Турција и Албанија.
.webp){kind=icon}
Во моментов нема коментари за веста. Биди прв да коментира...