.webp){kind=icon}
Иако македонските граѓани сè уште претпочитаат да извадат кеш од банкомат, сепак статистиката покажува дека плаќањето со картичка е во постојан пораст.
„И за третиот квартал од минатата година статистиката покажува дека кешот сè уште е 56 отсто во споредба со трансакциите на ПОС-терминалите“, вели Атила Селим, директор за дигитално банкарство во „Халк банк“.
Тој додава дека растот на трансакциите на ПОС-терминалите секоја година расте по дваесет проценти.
Според податоците што ги споменува Селим, 26 отсто од населеното во Македонија користи дигитални канали за плаќање.
„Според ’Евростат’, во ЕУ дури 63 отсто од населението користи дигитални канали, додека во скандинавските земји процентот е уште поголем и изнесува над 90 отсто“, додава Селим.
Блумберг Адрија ТВ
Тој дополнува дека, сепак, трендот е нагорен и оптимистички и во Македонија.
„Може да истакнеме дека секоја година дигиталните трансакции растат. Она што е добро да се истакне е дека над 53 отсто од безготовинските трансакции се прават преку дигиталните канали за разлика од оние што се прават на шалтер“, вели Селим.
Тука за овој тренд она што дополнително се очекува да придонесе е новиот закон за платежни услуги и платни системи што неодамна го донесе Народната банка.
Дигитален денар
Во однос на тоа дека НБРМ заедно со Светската банка ја испитува можноста за воведување дигитален денар во Македонија, Селим објаснува дека дигитален денар не значи ниту криптосредства ниту има никаква поврзаност со криптовалута ниту, пак, тоа се парите што ни стојат во комерцијалните банки.
„Европската Унија, а и Македонија, веќе размислува покрај книжна, да имаме валута што ќе биде дигитализирана. Треба да се каже дека тоа е еден нов метод на плаќање што ќе продолжи да се практикува кај нас, а во и ЕУ“, вели Селим.
