.webp){kind=icon}
Расположението на пазарот на капитал во моментов е исклучително позитивно, но е премногу сконцентрирано во оние акции што моментално имаат залет, а тоа се акциите четирите големи технолошки компании.
„'Енвидија', 'Мета', 'Амазон' и 'Мајкрософт', акциите што се изложени кон вештачката интелегенција, кон таблетите за слабеење и кон криптопазарот, се и натаму најатрктивни“, вели Васко Богдановски, извршен партнер на „Опфолио“.
Тој додава дека со очекувањето за првото спуштање на каматните стапки во јуни, инвеститорите веќе треба да размислуваат дел од своите инвестициски портфолија да алоцираат во малите и средните по големина компании од пазарните индекси.
Васко Богдановски (ТВ-гостување)
Bloomberg Adria
Богдановски посочува дека на Македонската берза и натаму се најатрактивни акциите на банките.
„Очекувам дека акциите на ’НЛБ банка’, ’Комерцијална банка’ и на ’Уни банка’ повторно ќе бидат најатрактивни, најинтересни за домашните и регионалните инвеститори“, вели тој.
Богдановски додава дека во САД, растот на економијата, нивото на вработеноста и инфлацијата сè уште се на релативно високи нивоа за Фед да има простор за намалување на каматните стапки сега, во март.
„Затоа, очекувањата се дека ќе има намалувања на каматните стапки во текот на годинава и дека тие би започнале од јуни. Истите очекувања за кратење на каматните стапки за јуни се и за ЕЦБ, а најверојатно и за НБРМ“, вели Богдановски.
