Партиите да не играат политички фудбал, туку да се фокусираат на економијата

Јасно е дека растот на БДП од пет отсто е навистина тежок предизвик за која било земја во светот, но ако не се постигне, тогаш е ризик Македонија да остане меѓу најсиромашните земји, вели Мајк Зафировски, соосновач на „Македонија 2025“, во интервју за емисијата „Зум ин“.

„Некои од предизвиците се внатрешно генерирани. Многу од нив се однесуваат на мешани пораки до деловната заедница, бирократијата е голема, на високо ниво е и корупцијата“, вели Зафировски.

Мајк Зафировски (ТВ-гостување) Bloomberg Adria

Тој додава дека за забрзан економски раст, потребно е да не се игра политички фудбал помеѓу политичките партнери, меѓу етничките односи, туку навистина да се направи приоритет.

Bloomberg Adria

„Среќен сум што разговарам повеќе за некои од деталите што ние како 'Македонија 2025' ги презентиравме во 'Визијата за забрзан раст'. Сакам да ги дадеме тие изјави односно пораки пред изборите. Ние разговаравме со сите политички партии на прес-конференцијата минатата недела, зборувавме со деловната заедница, навистина ги охрабрувам да усвојат некои од препораките што ги имаме со цел да се обезбеди континуиран раст на економијата“, вели Зафировски.

Bloomberg Adria

Тој посочува дека за да се биде конкурентен на регионалната и европската сцена, потребно е и рационализирање на деловните регулативи, со што се намалува административното оптоварување.

Bloomberg Adria

„Поголем раст на економијата е можен само со развој на индустријата, со поголема технологија, со вложувања во производството, во човечките ресурси“, вели Горан Антевски, генерален директор на „Раде Кончар ТЕП“.

Горан Антевски (ТВ-гостување) Bloomberg Adria

Антевски додава дека многу работи треба да се направат пред сè од страна на компаниите.

„Треба да се вложи многу во технологија, во знаење и иновации, затоа што Македонија во делот на иновациите заостанува и многу тешко можете да настапите на другите пазари со нашите иновативни решенија“, вели Антевски.

Bloomberg Adria

Економската ситуација во светот е целосно разнишана во последниве години. Антевски посоучва и дека Германија се соочува со проблеми, а Македонија е поврзана со германската економија.

„Ние како компанија работиме со Германија, така што не ми е пријатно кога економијата во Германија е на пониско ниво од тоа што е потребно за развој“, вели Антевски.