Откако „Опен еј-ај“ (OpenAI) ја претстави Сора (Sora - алатка за генерирање видеа од текстуални прашања), безгрижниот живот во креативната индустрија нагло заврши.
Забрзаниот развој на злото на кое му давате неколку команди, а тоа прави чуда, ме оддалечи од идејата дека за мојата работа во иднина треба да се грижи само касиер или можеби бруцош во кујната на „Мекдоналдс“. Тоа беше причина да барам експерт што конкретно ќе ни каже дали треба да бидеме загрижени и до каде се истражувањата во областа на роботиката, што е чекор подалеку од софтверот.
„Роботите се користат во индустријата, но досега главно се користеа за некои рутински операции, кои се целосно автоматизирани и се повторуваат. Така, ако се воведе на пример нов модел автомобил, тогаш роботот ќе се програмира за да се користи во следните пет години. На тој начин, роботот е исплатлив. Во помалото производство тоа нема смисла“, вели Златан Ајановиќ, експерт за роботика.
Bloomberg Adria
Јапонија го предводи патот во автоматизацијата во споредба со остатокот од светот, но како што расте цената на трудот во ЕУ, така се очекува употреба на поголем број роботи кога станува збор за индустриското и автомобилското производство.
„Овде, на пример, во Холандија, во суштина постојат различни проекти каде што роботите вршат најголем дел од тешката работа, а на пример човекот само му дава инструкции на роботот да знае да изведува тешки операции и да извршува многу тешки задачи со многу мала сила. Европа е суштински многу развиена и има многу силни компании што произведуваат роботи, Баварија има многу силен сектор за роботи, имаме многу мали спиноф-компании што работат на тоа и ние сме партнери со една компанија од Минхен што произведува модуларни роботи, кои може да се состават во зависност од потребата. Во основа, ако имате задача што може да се реши со помал робот, можете да земете само три сегменти од робот и да ги користите за таа операција“, вели Ајановиќ.
Во Америка во 2023 година се забележани 550.000 слободни работни места поради недостиг од квалификувани работници. Ваквите статистички податоци поттикнуваат развој на софтвер за соработка човек-робот, што ќе стане императив во годините што доаѓаат.
Ако роботите станат вообичаени и луѓето имаат повеќе слободно време, какви вештини треба да развиваме?
„Она што е важно преку студиите не е само да се учи туку да се стекне вештина за учење за да се создаде свест дека е неопходно да се менуваат вештините“, вели Ајановиќ.
Повеќе детали погледнете во видеото.
.webp){kind=icon}
Во моментов нема коментари за веста. Биди прв да коментира...