.webp){kind=icon}
Еден од факторите што се очекува да влијаат во насока на намалување на крајните цени на храната, според дел од стопанството, се најавите за намалување на каматните стапки во текот на годинава.
Според Сашо Дукоски, претседателот на Трговската комора при Сојузот на стопански комори, во наредниот период нема да има ценовни шокови, туку стабилизација и тренд на намалување на цените.
Блумберг Адрија ТВ
„Има повеќе фактори што влеваат надеж и што може да влијаат позитивно во наредниот период, а една од најосновните работи се оние сигнали за олабавување на макроекономската политика. Намалувањето на каматните стапки би требало да влијае сериозно на намалување на трошоците на сите учесници на пазарот, а тоа како краен ефект треба да даде и намалување на вкупните трошоци, односно вкупните цени и она што го гледа крајниот потрошувач. Друга работа од која се очекуваат позитивни ефекти е што по неверојатно долг предизборен и изборен циклус, тоа прашање конечно се затвори и сега очекуваме заслужено и долгоочекувано економијата да биде во главниот фокус. Кога ќе ѝ се посветиме на економијата и кога таа ќе ни биде главен фокус, без притоа да биде оптоварена со политички и популистички мотивирани мерки и одлуки, тогаш можеме да очекуваме дека ќе имаме позитивни ефекти“, вели Дукоски.
Блумберг Адрија ТВ
Сепак, тој вели дека додека промените на цените во нагорна линија се случуваат брзо, додека падот ќе биде побавен.
Како инфлаторни ризици, пак, ги посочува ефектите од случувањата на меѓународните пазари и берзи, но и воените конфликти.
„Во секој случај се забележуваат стабилизација и тенденција на намалување, кое очекувам дека ќе се случува и во наредниот период, освен во деловите каде што, за жал, ние не можеме да влијаеме бидејќи сме мала економија, која е зависна од случувањата на берзите и глобалните пазари. Во секој случај, мое лично мислење е дека во наредниот период ќе има стабилизација и намалување на цените“, вели Дукоски.
Блумберг Адрија ТВ
Дукоски го повтори ставот на најголем дел од стопанството дека мерки како замрзнување на цените или маржите се лоши за економијата и не даваат долгорочни ефекти, па, според него, не треба да биде опција ниту во политиките на идната влада.
„Каква било интервенција што не се базира на пазарни услови потоа го дава тој ефект на некакви придвижувања, кои често се основани, но кои некогаш знаат да бидат и неосновани. Во секој случај се забележуваат стабилизација и тенденција на намалување, кое очекувам дека ќе се случи и ќе се случува и во наредниот период“, вели тој.
