Пет трговски друштва ги исполните условите и добиле дозвола од Народната банка за даватели на платежни услуги согласно новиот Закон за платежни услуги и платни системи. Новата правна рамка донесе големи придобивки за граѓаните и компаниите вели во интервју за „Блумберг Адрија“, Игор Величковски, директор на Дирекција за платни системи при Народната банка. Покрај банките, сега платежни услуги ќе може да даваат и штедилниците и специјализирани институции за платежни услуги кои ќе треба да добијат дозвола од Народната банка, а притоа да исполнат низа строги критериуми.
„Во изминатиот период повеќе трговски друштва се обратија до централната банка имавме активна комуникација дел од нив односно 5 трговски друштва поднесоа барање официјално со соодветна документација и беше утврдено дека се исполнети условите, дополнително централната банка издаде дозвола и на оператор на платен систем за порамнување на плаќање со кредитни трансфери“вели Величковски.
Блумберг Адрија ТВ
Новата правна рамка овозможува влез на иновативни решенија на пазарот и истовремено создава основа за поедноставување и забрзување на прекуграничните плаќања.
„Во овој период сме во активна комуникација со повеќе трговски субјекти во земјата но и субјекти присутни на пазарот во регионот како и во Европската унија кои се заинтересирани за влез на македонскиот пазар. Очекуваме по исполнување на условите од нивна страна да иновативни решенија за извршување на плаќањата во земјата што ќе им овозможи поевтини секако поедноставни или поудобни плаќања за граѓаните и компаниите“ вели Величковски.
За заштита на потрошувачите новите играчи на пазарот имаат обврска детално да ги информираат граѓаните.
„Ова се премногу важни прашања сите нови играчи имаат обврска детално да ги информираат граѓаните за условите под кои ги нудат платежните услуги и да им дадат особено информативен документ за надоместоците кои им ги наплатуваат за да ја поттикнеме конкуренцијата и да ги заштитиме потрошувачите“ посочува Величковски.
Новата правна рамка превидува воведување на позасилена идентификација на клиентите со цел да се заштитат од онлајн измами.
„Оваа засилена идентификација се применува веќе при онлајн плаќањата, при увид на сметката и при можноста да ја дигитализираме платежната картичка, додека засилената автентикација ќе се примени до крајот на октомври кај плаќањата на физички места на продажба и кај електронското банкарство.“ вели Величковски.
Во платежната сфера се Народната банка нотира намалено користење на готовина од страна на граѓаните. Централните банки започнаа да ги искажуваат начините на кој може да се обезбеди пристап до пари издадени во новата дигитална ера.
„Народната банка во соработка со светската банка работи на студија којашто ќе ги анализира можностите предностите но и ризиците од издавање на дигитална валута дигитален денар и по завршување на студијата согласно добиените резултати ќе известиме за истата.“ посочува Величковски.
.webp){kind=icon}
Во моментов нема коментари за веста. Биди прв да коментира...