Европскиот парламент вчера со мнозинство гласови го усвои извештајот за напредокот за Македонија за 2023 и 2024 година, но во финалната верзија не е вклучено ниту едно директно споменување на македонскиот јазик и идентитет. Овој преседан произлегува од прифатените амандмани со кои беа избришани сите делови од извештајот што се однесуваа на овие теми.
Извештајот, изготвен од австрискиот европратеник Томас Вајц, беше усвоен со 461 глас „за“, 121 „против“ и 107 „воздржани“, откако претходно беа изгласани неколку клучни амандмани предложени од европратениците Анджеј Халицки (ЕПП), Кетлин Ван Бремпт (СД) и Дан Барна (РЕ).
Со овие амандмани беше избришан текстот што повикуваше на „целосно почитување на македонскиот јазик и идентитет“, беше отстранета референцата за македонскиот јазик и идентитет како дел од уставниот поредок на нацијата и од европските вредности и беше елиминирана точката Л, со која се нагласуваше дека ЕУ постојано го нагласува своето признавање на македонскиот јазик и идентитет.
Банките како агенции за недвижности: На продажба станови, куќи, винарници
Станови, куќи, деловни и административни објекти, дуќани, земјишта, ниви, фабрики, производствени погони... Стотици огласи за продажба на недвижен имот постојано се активни, но не на стандардните платформи за огласување, туку на официјалните интернет-страници на банките во Македонија. Станува збор за запленет имот поради ненамирени обврски и присилна наплата на долгови од страна на заемодавците.
Неисплаќањето или немоќта редовно да се плаќаат ратите за кредити доведува до тоа имотот што бил ставен како гаранција под хипотека да го преземе банката доверител. Пишуваме за тоа како се менаџира тој имот, односно што прават банките со него.
Голема трансформација на телекомуникациската индустрија: Каде е „Македонски телеком“?
Телекомуникациските компании се во средината на најголемата трансформација на овој век. Ова го потврдува Stoxx 600 Telecom index, кој е во пораст од 12 проценти од почетокот на годината, а соодносот цена/заработка (P/E) е на 20, што е поскапо отколку на крајот на годината (16x). Границата помеѓу операторите, давателите на облак-услуги и компаниите за вештачка интелигенција е речиси избришана, а од друга страна корисниците очекуваат повеќе од самата конекција кај традиционалните телекомуникациски услуги. Анализираме каква е улогата на вештачката интелигенција и до каде се телекомите во регионот кога станува збор за технолошката трансформација.
Почна изградбата на гасниот интерконектор со Грција
Стартуваше изградбата на гасниот интерконектор со Грција во должина од 66,7 километри на потегот од Гевгелија до Неготино, чиј почетен капацитет ќе биде 1,5 милијарда кубни метри годишно. Вредноста на проектот е 3,7 милијарди денари (60 милиони евра), обезбедени со поддршка од ЕБОР, ЕИБ и ЕУ.
На означувањето на почетокот на градежните работи премиерот Христијан Мицкоски посочи дека проектот ќе донесе нови извори на природен гас, стабилно снабдување, пониски цени за граѓаните, поголема конкурентност за компаниите и, како што нагласи, силна порака - конечно стануваме дел од европската енергетска мрежа.
„Иуте пеј“ доби лиценца за издавање електронски пари и платежни услуги во Македонија
Финтек-компанијата „Иуте пек Македонија“ (Iute Pay), дел од естонската „Иуте груп“ (Iute Group), доби официјална лиценца од Народната банка на Република Северна Македонија за издавање електронски пари и давање платежни услуги. Со оваа лиценца компанијата го заокружува својот финансиски екосистем на македонскиот пазар, проширувајќи се од кредитирање кон осигурување и дигитални платежни решенија.
Новата лиценца ѝ овозможува на „Иуте пеј“ да нуди услуги како отворање платежни сметки, дополнување дигитален паричник, користење бескартични банкомати, трансфер на средства во реално време, како и брзи и безготовински плаќања преку QR код.
Токенизацијата станува реалност - „Робинхуд“ ги поврзува криптовалутите и Волстрит
Сега е вистинското време криптовалутите да ги надминат биткоинот и мeмкоините и да преминат во фаза на вистинска функционалност, изјави извршниот директор на „Робинхуд маркетс“ (Robinhood Markets), Влад Тенев, зборувајќи за новиот производ на неговата компанија. Сепак, токму тој нов инвестициски инструмент навести дека реализацијата на оваа визија ќе биде посложена отколку што можеби се очекуваше.
Сега компанијата на повеќето европски земји им нуди американски капитал на блокчејн, односно токенизирани американски хартии од вредност. Како што е прецизирано, услугата ќе биде достапна 24 часа дневно, пет дена во неделата, за 150.000 корисници во 30 држави, вклучувајќи ги и Словенија и Хрватска од регионот Адрија.
.webp){kind=icon}
Во моментов нема коментари за веста. Биди прв да коментира...