Почна сезоната на пожари во Македонија, а изминативе неколку дена покажаа дека немаме доволно капацитет за брзо справување со огнените стихии, што може да доведе до катастрофални последици во следниот период. Високите температури ќе бидат вистински тест и за енергетската стабилност бидејќи ја зголемуваат потрошувачката на струја, а системот е оптоварен. Сепак, надлежните не очекуваат проблеми и имаат план за сите сценарија.
Почетокот на неделава ни донесе забревтан раст на инфлацијата во Македонија којашто во јуни достигна раст од 4,5 проценти. Податоците на Државниот завод за статистика открија дека поскапеле речиси сите производи и услуги со исклучок на групите алкохолни пијалаци, тутун и наркотици и образование, кои во јуни останале на исто ниво како и во претходниот месец.
Откривме дека Македонија значително заостанува зад Европа кога станува збор за секојдневното користење велосипеди и тротинети наспроти моторни возила. Последните податоци покажуваат дека Холандија, Германија и Данска се лидери во однос на користењето велосипеди како превозно средство и дека нашата земја многу заостанува.
Анализиравме каква е состојбата во фитнес индустријата во 2025 година. По пандемиските нарушувања и инфлаторните притисоци, 2024 година означи враќање кон оперативна нормализација и стратешка еволуција. Наместо да се вратат на старите навики, корисниците го дефинираа фитнесот поинаку - тие прифатија поширока визија за здравјето што комбинира ментална хармонија, физичка активност, закрепнување и оптимизација на животниот стил.
Прочитај повеќе:
Како јакнењето на еврото влијае врз заштедите и инвестициите?
Платите во Македонија растат, но куповната моќ стагнира три години
На меѓународната сцена, повторно се истакна американскиот претседател Доналд Трамп којшто објави бран писма во кои им се заканува на клучните трговски партнери со високи царински стапки иако истовремено ги одложи зголемените царини до 1 август и посочи дека сè уште е отворен за преговори. Трамп објави писма до разни нации на социјалните мрежи во почнувајќи со неговата намера да воведе царини од 25 проценти за стоки од Јапонија и Јужна Кореја. Следеа уште десетина земји, меѓу кои и Канада и Бразил.
Фјучерсите на американските акции се зацврстија откако почетните нервози околу најновите најави за царини на администрацијата на Доналд Трамп отстапија место на оптимизмот дека има доволно простор за понатамошни преговори. Стабилноста на акциите од вторникот го одразува верувањето на трговците во познатиот модел на ескалација на трговската војна од страна на американскиот претседател Доналд Трамп, само за подоцна да се деескалира.
Конфликтот на интереси е сериозен проблем за фудбалските клубови со еден сопственик. Проблемот излезе на виделина откако Кристал Палас го освои ФА Купот и се квалификуваше за Лигата на Европа, каде што Олимпик Лион треба да се натпреварува и во следната сезона. Никола Јокиќ би можел да има проблеми со сопствениците на својот клуб. Најдобриот кошаркар во светот одби да го продолжи договорот, но прашањето е какви се неговите понатамошни намери.
Прочитај повеќе:
Токенизацијата станува реалност - „Робинхуд“ ги поврзува криптовалутите и Волстрит
„Енвидија“ е првата компанија што достигна вредност од четири трилиони долари
Назад на домашен терен, откривме дека просечното домаќинство во Македонија наменува околу 69,5 проценти од својата потрошувачка за задоволување на основните потреби како храна, облека, домување и покуќнина, покажуваат податоците на Државниот завод за статистика. Лани се бележи раст на трошоците за храна, безалкохолни пијалоци и облека и обувки во однос на претходната година.
Анализиравме каков имот продаваат македонските банки којшто претходно го заплениле по основ на ненаплетна кредити. На нивните сајтови се нудат станови, куќи, деловни и административни објекти, дуќани, земјишта, ниви, фабрики и производствени погони коишто во некои случаи се продаваат по почетни цени кои се пониски од пазарните.
.webp){kind=icon}
Во моментов нема коментари за веста. Биди прв да коментира...