На Македонска берза минатата година е забележан значителен пад на вредноста и бројот на акции од вредност за кои биле порамнети склучените трансакции во однос на претходната година. Односно, во 2023 година биле порамнети трансакции склучени на Македонската берза во износ од 4,6 милиони денари, додека во 2022 година тој износ бил 7,4 милиони денари. Дополнително, во 2023 година имало 11.978 трансакции, а во 2022 година тој број изнесувал 17.282. Намалувањето на бројот на трансакциите на Македонската берза минатата година се должи на неколку фактори, вели Васко Богдановски, извршен партнер на „Опфолио“, во интервју за „Блумберг Адрија“.
„Клучно за намалените трансакции е воведувањето оданочување на капиталната добивка од продажба на хартии од вредност, поради што инвеститорите почнаа да ги одложуваат своите продажби на акции затоа што сакаат да ги избегнат овие дополнителни трошоци“, вели Богдановски.
Блумберг Адрија ТВ
Се зголемува бројот на домашни физички лица што инвестирале на македонскиот пазар на капитал. Односно, изминатата година во споредба со 2022 има за 1,9 отсто повеќе Македонци што инвестирале на домашната берза, а расте и бројот на акции што биле дадени како подарок. Во 2023 година како подарок биле дадени 337 акции, додека во 2022 година како подарок биле дадени 317 акции.
Во однос на прашањето како да се управува со ризиците при инвестирање на берзата, Богдановски смета дека има различни модели на методи за управувањето со ризиците. Тој додава дека е важно да има диверзификација на инвестирањето.
Европските берзи пораснаа откако креаторот на политиката односно ЕЦБ навести дека може да дојде до уште две намалувања на каматните стапки во еврозоната годинава.
„Се очекува дека намалувањето на каматните стапки ќе предизвика и зголемување на вредноста кај различните инструменти како што се акциите“, вели Богдановски.
Народната банка на Македонија, пак, на последната седница ја остави референтната каматна стапка на 6,30 отсто, а следниот состанок на Извршниот одбор на кој се носат одлуки за монетарната политика е закажан за 23 јули. Сепак неизвесно е дали тогаш ќе има пад на каматните стапки, иако очекувањата се дека до крајот на годината НБРМ ќе направи барем две намалувања на референтната каматна стапка.
.webp){kind=icon}
Во моментов нема коментари за веста. Биди прв да коментира...