Растот на финансиските друштва на македонскиот пазар продолжува. Во првиот квартал од годинава вкупниот износ на пласирано портфолио кај финансиските друштва е пораснат за речиси шест милиони евра. Во овој раст „Иуте Македонија“ учествува со 30 отсто, вели Бојан Богоев, директор на секторот за ризици во „Иуте Македонија“.
„Самиот раст е дел од напорите да обезбедиме што поквалитетни и достапни услуги за нашите клиенти, а и особено тоа да го направиме на еден безбеден начин, со целосно управување на ризикот во работењето“, вели Богоев.
Бојан Богоев (ТВ-гостување)
Bloomberg Adria
Со оглед на тоа што финансиските друштва се во подем, а издавањето брзи кредити сè поактуелно, ризици постојат. Но во „Иуте Македонија“ посочуваат дека имаат помалку од 10 отсто учество на лошите во вкупните пласмани.
„Тоа е исклучително добро постигнување и знак за добро управување со ризикот. Оттаму и оценката од ’Фич’ укажува на зрелост ’Иуте Македонија’ да биде предводник во развојот на индустријата“, вели Богоев и појаснува дека групацијата „Иуте“ од Естонија неодамна го доби првиот рејтинг од „Фич“. „Иуте“ доби од „Фич“ иницијален рејтинг Б- со стабилна перспектива, а тоа ја покажува способноста за редовно сервисирање на финансиските обврски.
„Во суштина, тоа е и оцена на бизнис-моделот на ’Иуте’ и потврда на способноста да генерира профит за инвеститорите, и тоа на долгорочна основа“, вели Богоев.
Богоев смета дека правилникот за управување со кредитен ризик, кој е донесен неодамна, го подигна квалитетот на работа во индустријата и на некој начин ги заштити и самите клиенти од лоши финансиски одлуки.
Дополнително, клучни за развој на финтек-индустријата се иновациите и дигитализацијата во нудењето поголем број опции на клиентите.
„Она што ќе биде особено значајно се квалитетот и ефикасноста. Технологијата мора да биде поставена на еден добар стабилен бизнис-модел, да има еден севкупен систем што ќе генерира мноштво податоци, со чие управување ќе носиме добри одлуки, а кои секако ќе резултираат со додадена вредност и за нашите клиенти и со профит за нашите инвеститори“, вели Богоев.
Главниот фокус за развој на технологијата ќе биде во насока на таканаречена персонализирана понуда, односно услуги што значат процена на кредитниот ризик индивидуално за секој клиент и процена на потребите од финансиски услуги.
.webp){kind=icon}
Во моментов нема коментари за веста. Биди прв да коментира...