.webp){kind=icon}
Мартина Димоска на крајот на октомври 2022 година беше во Интегрираното лунарно-марсовско аналогно живеалиште при Универзитетот во Северна Дакота, поддржано од НАСА.
Димоска со својот тим во рамките на симулацијата 21 ден беше „заробена на Марс“, односно целосно отсечена од светот и со 20 минути задоцнета комуникација при секој правец, која верно го имитира ефектот на растојанието меѓу Земјата и Марс.
Димоска е родена во Кичево, во западна Македонија, и е првата балканска аналогна астронаутка. Наедно, таа е и организатор на две историски и престижни локации на „НАСА спејс апс челенџ “ (NASA Space Apps Challenge) за 2022 година и тоа: Маунтајн Вју во Силициевата долина во Калифорнија при Истражувачкиот центар 'Амес' на НАСА, и во Кливленд при истражувачкиот центар „Глен“ на НАСА во Охајо. Овие две лолации го потпомогаат „НАСА спејс апс челенџ Струмица“ (NASA Space Apps Challenge Strumica) во Северна Македонија.
„Би сакала да воспоставам посилни односи меѓу нашата земја и институциите со кои соработувам за да го збогатиме нашето колективно знаење и да учествуваме во вселенската индустрија“, порача таа.
Димоска е стипендистка на Фондацијата на семејството Олдрин, која ја води Ендрју Олдрин, син на познатиот астронаут Баз Олдрин, вториот човек на Месечината. Преку фондацијата, таа се приклучи на 'Комерцијалните Вселенски Студии' (Commercial Space Studies) на Технолошкиот институт на Флорида (Florida Institute of Technology - Florida Tech).
