.webp){kind=icon}
Пратениците на Европската Унија (ЕУ) треба да ги поддржат строгите барања за производителите на фосилни горива да ги зауздат емисиите на еден од најмоќните стакленички гасови.
Се очекува пратениците од комисиите за индустрија и за животна средина на Парламентот следната недела да гласаат за поставување на целта за намалување на метанот до 2030 година, според договорот во кој „Блумберг“ имаше увид. Тој исто така поставува строги критериуми за нафтените и гасните компании за следење и поправка на истекувањето на гасот, ризикувајќи забрана за работа доколку не ги почитуваат.
Компромисните амандмани најверојатно ќе предизвикаат тешки преговори со земјите-членки, кои ги разводнија клучните елементи од првичниот предлог на комисијата. Кадри Симсон, шеф за енергетика на ЕУ, минатиот месец предупреди дека оваа позиција ризикува блокот да заостане во однос на своите климатски цели.
Новите промени се поддржани од широка коалиција партии во парламентот, почнувајќи од зелените до централнодесничарската Европска народна партија. Откако ќе се одржи гласањето на одборот на 26 април, целото собрание потоа ќе гласа за својот став пред конечните разговори со 27-те земји-членки на ЕУ.
ЕУ е меѓу 150-те потписнички на Глобалното ветување за метан, договор за намалување на емисиите на метан за 30 отсто, и вели дека ќе се бори да го достигне тоа ниво.
