Јужнокорејците утре ќе станат помлади најмалку една година бидејќи земјата, која традиционално на новороденчињата им доделува возраст од една година, ќе се приклучи на меѓународните стандарди.
Од среда сите правни и административни области во земјата ќе почнат да го користат меѓународниот стандард, откако Националното собрание ја објави одлуката минатата година. Мерката треба да ја намали конфузијата и да ја усогласи земјата со глобалните норми.
Јужнокорејците обично се сметаат за една-две години постари од другите нации затоа што се брои и времето поминато во утробата на мајката, а Кореја е единствената голема земја што има таква практика. Традиционалниот систем е широко користен во општественото милје и на работните место, каде што хиерархијата на возраста се смета за важна.
Претседателот Јун Сук Јеол бараше промени, со широка јавна поддршка, кога се кандидира за функцијата минатата година.
Јужнокорејците нема да треба да ажурираат никаква документација или лични карти, бидејќи возраста што се користи за владините документи се заснова на меѓународниот систем, исто како и за пензионирање и гласање. Задолжителниот воен рок и приемот во училиште ја следат календарската возраст, која ја зема предвид годината на раѓање.
Поместувањето на календарот не значи дека на младите наеднаш ќе им се забрани да консумираат алкохол и цигари. Продавниците ја следат календарската, а не „корејската возраст“ за да се уверат дека некој е постар од 19 години.
„Клучно е кога децата имаат право да купуваат цигари“, вели Ги Санг Хјук, кој 20 години води продавница во близината на Сеул. „Официјалните лица сепак ќе ја проверуваат годината на раѓање како и обично“, рече тој.
Три четвртини од Корејците сакаа промена, според анкетата на „Ханкок“ (Hankook Research) од јануари 2022 година.
.webp){kind=icon}