Главниот организатор и извршител, кој, како што кажа министерот за внатрешни работи Оливер Спасовски, на денешната прес-конференција, со пиштол на 27 ноември ја усмртил 14-годишната Вања Ѓорчевска некаде околу 10 часот, исплашен од развојот на настаните побегнал, но полицијата презема интензивни мерки за негово пронаоѓање и изведување пред лицето на правдата.
Министерот наедно сподели информација дека во случајот бил вклучен и член на семејството, а целта била да се изнудат пари од мајката на Вања.
Инаку, во врска со убиството на Вања и претходно на 74-годишниот велешанец Панче Жежовски се осомничени пет лица. Од нив, тројца се во притвор, а едно лице (главниот организатор) е надвор од државата и по него интензивно се трага.
Прочитај повеќе
ЈОРМ: Пронајдено е безживотното тело на Вања Ѓорчевска
Девојчето биле убиено уште во понеделникот, само неколку часа откако исчезна
03.12.2023
Приведени се пет лица поврзани со исчезнатото девојче, Вања сè уште ја нема
Имаме приведено пет лица и обезбедено едно возило, изјави министерот Спасовски
02.12.2023
Петтото лице е таткото на девојчето, кој во моментов е приведен и со него се вршат разговори.
Како што кажа министерот, мотивот за убиствата е користољубивост, односно целта била да се извлечат пари од мајката на малолетничката, а едно од лицата во договор и со знаење на член на семејството го организирало извршувањето. Имено, според првичните искази во истрагата, таткото споделил информации со организаторот за денот и времето кога Вања ќе излезе сама оддома.
Убиениот велешанец на никаков начин не е поврзан со девојчето, но тој имал нерасчистени односи со еден од осомничените, па откако убијците го ликвидирале, неговото возило било искористено за киднапирање на Вања.
„Девојчето во влезот од зградата го земаат и е ставено практично со врзани раце и нозе во една вреќа за спиење, го изнесуваат и го ставаат во гепек од возилото. Пред возилото 'цитроен' се наоѓа возило 'рено канго' коешто цело време се движи пред нив, и е однесено на локација надвор од Скопје“, објасни Спасовски во одговор на новинарско прашање.
На прашањето зошто барање за откуп завршило со убиство, обвинителот Гаврил Бубевски рече дека осомничените ги фатила паника дека се следени и затоа решаваат подоцна да ги бараат парите и го убиваат девојчето.
Во однос на тоа дали имаат информација преку кој граничен премин е избеган главниот осомничен, министерот Спасовски рече дека МВР има таква информација, односно дека земјата ја напуштил во придружба на неговиот адвокат. Најпрво побегнал во Белград, а потоа во Бугарија.
.webp){kind=icon}
Во моментов нема коментари за веста. Биди прв да коментира...