Арктички студ од Париз до Берлин

Леденото арктичко време што предизвика хаос во нордискиот регион минатата недела се прошири на југ и покрива голем дел од континентална Европа.

Најниските температури за денеска се прогнозираат на-8,5 Целзиусови степени (17F) во Берлин и-4 Целзиусови во Париз, според „Максар Технолоџис“. Живата ќе падне на речиси-20 степени Целзиусови во Осло, додека жолто временско предупредувања за мраз е на сила за делови од Обединетото кралство.

 

 

Преминот кон ледено, но постабилно време може да ги оптовари енергетските системи во регионот, иако високото ниво на резерви со гас и слабата индустриска побарувачка значат дека Европа е подобро подготвена од минатата зима.

Францускиот мрежен оператор објави дека може да се справи со зголемената побарувачка на електрична енергија. Референтните европски цени на гасот паднаа.

Bloomberg Mercury

Додека зимата во Европа досега беше главно поблага од нормалната, според метеоролозите анкетирани од „Блумберг“, се предвидува студено време во јануари.

Краткорочните цени на струјата за денеска скокнаа за речиси 20 отсто во Германија на највисоко ниво од 13 декември. Стапката во Шпанија се зголеми за 39 отсто на највисокото ниво во последните четири недели.

Во вторник се предвидува дека температурите во Лондон ќе бидат 4,8 степени под нормалата. Жолти временски предупредувања за мраз и зимски дождови беа во сила денеска наутро во југоисточна Англија и делови од Северна Ирска.

„Ќе стане доста студено“, соопшти Метеоролошката канцеларија на Велика Британија. Почетокот на оваа недела „најверојатно ќе донесе најниски температури во овој постуден период“.

Во моментов нема коментари за веста. Биди прв да коментира...

Остави коментар