.webp){kind=icon}
Какви се најновите трендови во производството на сточна храна во земјите од регионот Адрија ќе можете да прочитате в понеделник, во новата регионална анализа што ја подготви аналитичкиот тим на „Блумберг Адрија“. Истовремено истражуваме каква е состојбата со сточарството во Македонија, колкаво е домашното производство на месо и месни производи, но и какви болести му се закануваат на овој сектор.
Анализираме како се движат цените на какаото и на шеќерот на светските берзи и какви се влијанијата врз кондиторската индустрија.
По формирањето на таканаречената техничка влада во Македонија, истражуваме колку поранешни функционери го искористиле правото на апанажа и дали некој од нив и натаму користи службени возила.
По најавите дека нафтоводот кон Грција е подготвен за употреба, прашуваме кога се планира да почне транспортот на нафта и што ќе значи тоа за нафтениот пазар во земјава. Истовремено прашуваме какви се плановите на „Номагас“ за годинава и до каде е постапката за планираното градење на интерконекторот кон Грција.
На крајот на неделата ви ја претставуваме работата на македонскиот стартап „Моделикс“, кој се занимава со производство на софтвер.
