.webp){kind=icon}
ЕКОНОМИЈА
Фед: Изборите како извор на неизвесност
Економската активност во САД во голема мера стагнира од почетокот на септември. Тоа се наведува во извештајот на Федералните резерви (Фед), попознат како Беж книга.
Имено, повеќе од половина од 12-те области пријавиле мало или скромно зголемување на вработеноста, додека поголемиот дел области исто така укажале на скромно зголемување на цените. Според тоа, најновиот извештај покажува дека американската економија продолжи делумно да забавува, и покрај малиот скок на вработеноста, потрошувачките цени и продажбата на мало.
БИЗНИС
Кварталните резултати на „Тесла“ ги надминаа очекувањата
Акциите на „Тесла“ пораснаа за 9 отсто во електронското тргување, откако кварталните резултати ги надминаа очекувањата на Волстрит. Заработката во третиот квартал беше зголемена поради продажбата на „сајбертрак“, кој за првпат ѝ донесе профит на компанијата.
„Тесла“ објави заработка по акција од 72 центи, надминувајќи ја просечната процена на аналитичарите. Во исто време, бруто-маржата на „Тесла“ беше 17,1 отсто, што исто така е над очекувањата на аналитичарите.
Работниците ја одбија понудата на „Боинг“
Се чини дека не им се гледа крајот на маките на „Боинг“. Работниците во фабриката го отфрлија новиот договор за работа со кој ќе им се зголемат платите за 35 отсто во следните четири години.
Околу 64 отсто од членовите на синдикатот што гласаа во средата гласаа против привремената спогодба, според синдикатот што претставува околу 33.000 синдикализирани работници на „Боинг“ на западниот брег на САД. Тоа значи дека раководството и синдикатот ќе мора да се вратат на преговарачка маса по шестнеделни преговори за прекин на штрајкот.
ПОЛИТИКА
Харис го нарече Трамп фашист
До претседателските избори во САД остануваат нецели две недели, а многубројните анкети сè уште покажуваат дека е неизвесно кој ќе победи, односно дека ситуацијата е многу тесна.
Двајцата кандидати продолжуваат да разменуваат обвинувања, во обид да привлечат поголем број гласачи. Така, американскaта потпретседателка и кандидатка на демократите Камала Харис го нарече републиканскиот кандидат Доналд Трамп фашист, опишувајќи го како опасен и неподобен за позицијата за која се кандидира.
Републиканскиот кандидат Доналд Трамп
Bloomberg
БЕРЗИ
Европа
Nathan Laine/Bloomberg
Во продолжение следува преглед на состојбата на светските пазари на капитал. Фјучерсите на европските берзи утринава се тргуваат мешано. Потсетуваме, европските берзи вчерашното тргување го завршија со загуби, бидејќи трговците беа фокусирани на корпоративната заработка.
САД
И фјучерсите на американските индекси флуктуираат меѓу добивки и загуби, пред објавувањето на новите податоци од пазарот на трудот. Приносите на десетгодишните обврзници паднаа за два базични поена, делумно бришејќи ги добивките од претходната сесија, кога го достигнаа највисокото ниво во речиси три месеци.
Азија
Кога станува збор за акциите во азиско-пацифичкиот регион, тие се тргуваат со загуби, бидејќи загриженоста за кинеската економија го повредува расположението на инвеститорите. Во исто време јенот го запре тридневниот пад.
