Иран возврати на ултиматумот на Трамп - ќе ја напаѓа инфраструктурата на Блискиот Исток

Иран во неделата предупреди дека ќе ја нападне клучната инфраструктура низ Блискиот Исток ако претседателот Доналд Трамп ја исполни својата закана да ги „уништи“ електраните во Техеран ако Ормускиот теснец брзо не се отвори.

„Следејќи ги претходните предупредувања, ако инфраструктурата за гориво и енергија на Иран биде нападната од непријателот, целата енергетска, информатичка и инфраструктура за десалинизација што му припаѓа на САД и на режимот во регионот ќе биде цел на напад,“ стои во соопштението на оперативната команда на иранската војска објавено во неделата од новинската агенција Тасним.

Трамп во објава на социјалните мрежи доцна во саботата изјави дека ќе „удри и уништи“ ирански електрани, почнувајќи со најголемата, ако теснецот не се отвори во рок од 48 часа.

Коментарите на Трамп на неговата платформа Трут сошл претставуваат драматично заострување на реториката на американскиот претседател за теснецот - ден пред тоа рече дека размислува за „намалување“ на воената операција и дека одговорноста за надзор над Ормус треба да ја преземат државите кои зависат од бродскиот сообраќај низ коридорот.

За разлика од нападите врз други енергетски објекти - како гасното поле „Јужен Парс“ - нападите врз иранскиот електроенергетски сектор сами по себе не би имале непосредни последици за светските енергетски резерви. Иран има 98 оперативни електрани на природен гас, според податоците собрани од„Блумберг“. Меѓу најголемите се комбинираната електрана „Дамаванд“, југоисточно од Техеран, електраната „Рамин“, северно од Ахваз и електраната „Керман“ во Чатруд.

Заканата на Трамп дека најпрво би ги нападнал најголемите ирански електрани може да се однесува и на нуклеарната електрана „Бушер“.