Американскиот претседател Доналд Трамп соопшти дека САД имале добри и продуктивни разговори со Иран и дека ќе ѝ нареди на војската да ги одложи сите воени напади врз иранските електроцентрали и енергетска инфраструктура за пет дена.
Трамп претходно се закани дека ќе ги нападне иранските електроцентрали ако државата брзо не го отвори Ормускиот Теснец за комерцијален бродски сообраќај. Преминот на танкерите со нафта и гас беше парализиран пред три недели.
Потегот на Трамп следува по заканата од Иран дека ќе се одмазди со напади врз израелските електроцентрали и оние што ги снабдуваат американските бази низ регионот на Заливот доколку САД ја нападнат енергетската мрежа на Исламската Република.
Прочитај повеќе
Трамп му даде на Иран рок од 48 часа, се закани со напади врз енергетските постројки
Иран со нападот покажа способности за кои претходно не беше познато дека ги има
22.03.2026
Иран возврати на ултиматумот на Трамп - ќе ја напаѓа инфраструктурата на Блискиот Исток
Иран во неделата предупреди дека ќе ја нападне клучната инфраструктура низ Блискиот Исток ако претседателот Доналд Трамп ја исполни својата закана да ги „уништи“ електраните во Техеран ако Ормускиот теснец брзо не се отвори.
22.03.2026
Цените на горивата ќе останат високи подолго време, вели директорот на банката УБС
Банката ја приспособува стратегијата во неизвесното глобално опкружување.
23.03.2026
Разговорите со Иран ќе продолжат во текот на целата недела, посочи Трамп во објава на својата социјална мрежа. „МУ НАЛОЖИВ НА МИНИСТЕРСТВОТО ЗА ВОЈНА ДА ГИ ОДЛОЖИ СИТЕ ВОЕНИ НАПАДИ ВРЗ ИРАНСКИТЕ ЕЛЕКТРОЦЕНТРАЛИ И ЕНЕРГЕТСКА ИНФРАСТРУКТУРА ЗА ПЕТДНЕВЕН ПЕРИОД, КАКО РЕЗУЛТАТ НА УСПЕХОТ ВО ТЕКОВНИТЕ СОСТАНОЦИ И ДИСКУСИИ“, напиша тој.
Truth social/Printscreen
Фјучерсите на нафтата брент паднаа откако претседателот Трамп ја соопшти одлуката.
Глобалниот репер падна за повеќе од 14 отсто, на 96 долари за барел. Цената на ВТИ (West Texas Intermediate) исто така падна, како и цените на европскиот природен гас (ЛНГ).
По изјавата на Трамп, се отвори дилема дали неговите искази се базираат на реалната ситуација на теренот или не.
Така, иранската полуофицијална новинска агенција „Тасним“, која е една од главните новински агенции во Иран и се смета за блиска до Исламската револуционерна гарда набрзо објави дека Иран не е во преговори и дека немало разговори со Трамп. Агенцијата цитира неименуван висок безбедносен службеник.
Изјавата на Трамп на социјалните медиуми е „психолошка војна“, посочи „Тасним“.
Во текстот се вели дека Иран ќе продолжи да ги брани своите интереси и дека Ормутскиот теснец нема да се врати во состојба каква што беше пред војната преку „психолошки игри“.
Претседателот Трамп, прашан околу тоа дека дел од иранските медиуми негираат дека се водат разговори со САД, посочи дека најновиот круг преговори се одржал синоќа, објави „Фокс бизнис“.
Тој рече дека во разговорите учествувале Стив Виткоф, Џаред Кушнер и нивните колеги, додавајќи дека договор со Иран би можел да се постигне за пет дена или порано.
*Дополнето со изјави околу веродостојноста на исказите на Трамп
.webp){kind=icon}
