Во Велика Британија денеска се одржуваат општи избори, на кои гласачите ќе изберат 650 члена на Долниот дом на парламентот, по што лидерот на партијата со најмногу гласови прво ќе стане мандатар за формирање нова влада, a потоа и премиер.
Велика Британија е поделена на 650 области, наречени изборни единици. Гласачите во секоја од овие изборни единици избираат по еден пратеник во Долниот дом на парламентот на Велика Британија.
Mедиумите анализираат дека кој и да победи на овие први национални избори во Англија, Шкотска, Велс и Северна Ирска во последните пет години, ќе наследи голем број проблеми препознатливи во сите западни демократии - слаб економски развој, ослабени јавни услуги и проблем со мигрантите.
Конзервативната партија на Риши Сунак доживува пад на популарноста во анкетите од 2021 година.
Предизборните анкети ѝ даваат двоцифрена предност на главната опозициска Лабуристичка партија, предводена од Кир Стармер, пред Конзервативната партија на премиерот Риши Сунак, која е на власт 14 години. Лабуристите во последните 12 месеци постојано имаат поддршка од над 40 отсто од електоратот.
На трето место во анкетите е антиимигрантската десничарска партија Реформа во Обединетото Кралство на Најџел Фараж, но бидејќи нивната поддршка е рамномерно распоредена низ целата земја, може да се случи оваа стабилна поддршка тешко да се претвори во места во парламентот.
Либералдемократите - претходно третата по големина партија во земјата - имаа доста конзистентен просек од околу 10 проценти, но тие се надеваат дека со фокусирање на главните посакувани места ќе можат да постигнат изборен успех.
.webp){kind=icon}
