Македонските иселеници во ЕУ во периодот 2012-2021 година испратиле 2,26 милијарди евра во родното место, покажуваат податоците на Евростат за таканаречените лични трансфери или дознаки на мигрантите кои работат во земјите членки на унијата. Статистичките податоци откриваат дека во 2021 година биле испратени 344,6 милиони евра, што е рекордна годишна сума што нашите иселеници во ЕУ ја испратиле во Македонија во период од десет години.
Податоците на Евростат откриваат дека секоја година милијарди евра преку дознаките на иселениците во ЕУ се слеваат во земјите од регионот Адрија. На врвот на листата земји по личните трансфери од ЕУ е Србија, а потоа следуваат Хрватска и БиХ. Македонија е на четвртото место, а на последното место е Словенија во која се влеваат најмалку пари по основ на дознаки на иселеници во некоја од останатите земји членки на ЕУ.
Инаку, според податоците на Евростат, трансферите испратени од мигрантите во ЕУ во нивните матични економии покажуваат растечки тренд со вкупен пораст од 47 проценти од 2015 година. Во 2021 година, личните трансфери надвор од ЕУ изнесувале 37,7 милијарди евра и биле насочени главно кон Северна Африка со 22 проценти од вкупните одливи надвор од ЕУ (8 милијарди евра), потоа Азија (без Блискиот и Блискиот Исток) со 21 проценти (7,8 милијарди евра) и европските земји кои не се членки на ЕУ со 19 проценти (7,1 милијарди евра) .
.webp){kind=icon}
