Стопанската комора почнува со контрола на граничниот премин Табанобвце за да проверат колку чекаат камионите . Тимови на комората од утре па до крајот на август на најголемиот граничен премин кон Србија ќе утврдуваат како течат постапките за увоз и извоз и дали е точно дека транспортерите таму чекаат и по три четири дена.
„Стигнуваат реакции од фирми дека чекаат по три до четири дена на Табановце. Сакаме да утврдиме дали е тоа навистина така, како течат постапките и процедурите, дали има ефект иницијативата Отворен Балкан. По утврдување на состојбите, ќе иницираме евентуална промена на регулативи или други решенија, зависно од согледаните проблеми. Времето на задржување на камионите е многу важно, но во нашиот фокус сега е да направиме целосно согледување на терен на целокупната постапка – не само времето, туку целата процедура: процесирање на докумненти, нивна обработка, сертификати за стоката, земање мостри, анализи,… Тоа ќе ни овозможи креирање соодветни предлози за промени и поголема ефикасност на процесот“, вели в.д. извршната директорка на Комората, Билјана Пеева Ѓуриќ.
Конторли ќе има и на другите гранични премини, а по Табановце, следен за контрола ќе биде преминот Ќафасан кон Албанија. Освен Македонија и Србија, и Албанија е дел од Отворен Балкан, а целта на конторлите е да се видат ефектите од овој регионален проект.
„Ефикасното преминување на границите е круцијално зашто трошоците при долгото чекање се многу често поголеми од фактичките трошоци за царините. Дигитализацијата, транспарентноста и формалностите на границите се императив за непречен проток на стоки и напредок во овој дел има, а нашите служби се и поефикасни во регионот и некои европски држави во однос на помалку хартија за увозно-извозните постапки. Но, независно од ваквите извештаи, пристигнуваат реакции дека постои простор за подобрување на состојбите. На Табановце има колони камиони за влез и излез од државата, вели Анета Димовска, координатор на првата група вработени во Комората кои ќе присуствуваат на Табановце.
Тимовите ќе бидат на Табановце од 9 до 15 часот и ќе имаат соодветни ознаки за да бидат препознаени од компаниите и службите. За нив е обезбедена и канцеларија од Царинската управа. Стопанската комора најавува и дека од денеска на нејзината веб страница е објавен повик до компаниите – да ги адресираат сите нивни укажувања за проблемите и состојбите на Табановце.
.webp){kind=icon}
